E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

EKSKLUZIVE/ Miliarda lekë të taksapaguesve "rrush e kumbulla" për shoqatat (Dokumentet)

2 Maj 2018, 17:22, Aktualitet CNA

Përgjatë tre viteve të ikura, respektivisht 2015, 2016, 2017, nga ana e institucionit shtetërore me emërtesën “Agjencia për Mbështetjen e Shoqërisë Civile”(AMSHC) i janë akorduar miliarda lekë fonde shoqatave përfaqësuese të shoqërisë civile për të implementuar projekte të ndryshme.

Referuar të dhënave të të njëjtit burim zyrtar të AMSHC-së rezulton se totali i fondeve për tre vitet e sipërcituara , pra 2015,2016,2017 është edhe mbi një miliard, edhe 2.912.000.000 lekë (të vjetra). Fonde këto të rrjedhura nga buxheti i taksapaguesve tejet të varfër shqiptar. Destinacioni? Financim projektesh nga më të ndryshmit, efektivitetin e të cilave e kontrollojnë veç strukturat përgjegjëse të Agjencisë.

Dy palë shifrat i ka bërë të ditur ekskluzivisht për CNA.al, Alkent Shehaj, Inspektor i Sektorit të Financës dhe Kontrollit te Brendshëm të Agjencia për Mbështetjen e Shoqërisë Civile.

Sipas tabelave financiare, që disponon CNA.al, rezulton se në vitin 2015 shoqatave u janë dhenë 735.000.000 lekë (të vjetra), një vit më vonë, pra në vitin 2016 u janë akorduar 846. 000.000 lekë dhe në vitin 2017 rreth dyfish më shumë: plot 1.331.000. 000 lekë.

Me to, sipas po të njëjtave burime zyrtare të AMSHC, janë financuar 135 shoqata jo pak prej të cilave vijnë aromë preferencash politiko-mediatike, kurse ka dhe të tilla që sot nuk rezultojnë të jenë prezente as nëpër faqet e internetit.

Në vitin 2015 kanë aplikuar për financim projektesh 266 shoqata nga të cilat kanë përfituar 735 milion lekë 59 prej tyre. Një vit më pas numri i aplikuesve është ngjitur në 154 nga ku fitues janë shpallur 41, ndërkohë që numri ka renë në 126 në vitin 2017, prej të cilave shumën 1.331.000 000 lekë e kanë përfituar 35.

Lidhur me procedurën e shpalljes së fituesve nga AMSHC të venë para një formularë duke të shpjeguar se ekzistojnë rregulla dhe kritere pa përmbushjen e të cilave nuk mund të shpallesh fitues. Argument jo fort i besueshëm ky kur sheh se në listat e shoqatave përfituese ndesh të tilla të lidhura me partinë në pushtet, apo shoqata të drejtuara nga individë të preferuar nga që kanë në dorë interesa përfitimi. /CNA.al