web counter
LEXO PA REKLAMA!

SHKARKO APP

App Store
Google Play

E fundit!

x

Raporti i DASH/ Luan Rama i përgjigjet “dhëmb për dhëmbë” kryeministrit

3 Maj 2018, 10:29, Aktualitet CNA

Nënkryetari i LSI-së Luan Rama iu përgjigj ?flakë për flakë? kryeministrit Rama pasi ky i fundit i përmendi disa herë emrin nga foltorja e Kuvendit.

Luan Rama i shpalli sfidë kryeministrit për faktin nëse nuk janë të vërteta deklaratat e tij për raportin e DASH që flet për Shqipërinë, ai ishte i gatshëm të ikte nga Kuvendi.

?I nderuar Z.Kryeminstër. Patët mirësinë të më referoheshit, po ju dëgjoja me shumë vëmendje, dhe meqë ju paska bërë kaq shumë përshtypje që unë dje thashë apo lexova se çfarë ka thënë Departamenti Amerikan i Shtetit për ju dhe qeverinë tuaj, më lejoni tu bëj një sfidë. Në raportin e Departamentit Amerikan të Shtetit të vitit 2016, që i referohet vitit 2015 për Shqipërinë thuhet: Shqipëria nuk figuron e listuar dhe verifikuar në vendet për pastrimin e parave. Ndërkaq kam thënë në këtë parlament dhe në këtë foltore 1 vit më parë, atë çfarë thoshte në atë kohë Departamenti Amerikan i Shtetit pra në 2017 për 2016 dhe thotë shprehimisht apo tekstualisht këtë që po citoj: Shqipëria figuron në vendet problematike për pastrimin e parave. Ndërkohë në raportin e këtij viti të publikuar pak javë më parë që i referohet vitit 2017, thuhet tekstualisht kështu: Shqipëria mbetet rrezik i madh për shkak të pastrimit të parave të pista. Kjo për shkak të korrupsioni të shfrenuar dhe institucioneve të dobëta dhe qeveritare. Nëse nuk është kështu në raportin e DASH unë iki nga ky Parlament zoti Kryeministër. Më provoni të kundërtën e kësaj që thashë që është qëndrimi zyrtar i DASH për qeverinë tuaj zoti kryeministër?, tha Luan Rama.





Lajmet e fundit nga