E fundit!

07:07 Sociale

Reshje në formën e shtrëngatave/ Moti për ditën e sotme

Ditën e sotme vendi ynë do të ndikohet nga pothuajse e një...

Privatizimi i 4 hidrocentraleve/ Prokuroria nis hetimin ndaj ministrave dhe zyrtarëve të lartë

3 Maj 2018, 17:08, Aktualitet CNA

Burimet brenda Prokurorisë së Shtetit kanë konfirmuar se, para pak çastesh, është dorëzuar në Gjykatë vendimi për nisjen e hetimeve ndaj tetë personave gjashtë prej të cilëve zyrtarë të lartë të qeverisë, duke përfshirë pesë ish-ministra…

Fjla është për Prokurorinë Speciale të Republikës së Kosovës e cila ka nxjerrë vendim për fillimin e hetimeve për privatizimin e katër hidrocentraleve në mënyrë tinëzare bashkë me rrjetin e shpërndarjes dhe furnizimit me energji elektrike.

Burimet e “Kallxo.com” brenda Prokurorisë së Shtetit kanë konfirmuar se para pak çastesh, Prokuroria Speciale ka dorëzuar në Gjykatën e Prishtinës vendimin për nisjen e hetimeve ndaj tetë personave të përfshirë në shitjen e Distribucionit të KEK-ut.

Burimet kanë sqaruar se në aktvendimin për hetime janë gjashtë zyrtarë të lartë të qeverisë, duke përfshirë 5 ish-ministra, tre prej këtyre ministrave janë anëtarë momentalë të qeverisë. Hetimet kanë nisur edhe ndaj një zyrtari të KEK-ut dhe një zyrtari të qeverisë të përfshirë në implementimin e kontratës.

Vendimi për fillim të hetimeve është marrë pas një periudhë prej gati 2 vjetëve të fazës së para-hetimeve që nisur pas raportimeve në media. Vendimi për fillim të hetimeve është marrë vetëm disa ditë para se të ndodhte parashkrimi pasiv i veprës së mundshme penale. Privatizimi i KEDS-it kishte ndodh me datën 8 maj.

Procesi i privatizimit të KEDS-it ishte udhëhequr nga Komiteti i Privatizimit, i cili drejtohej nga ministri i Zhvillimit Ekonomik, që në atë kohë ishte Besim Beqaj. Pjesë e komitetit drejtues ishin edhe Mimoza Kusari Lika (ish-ministre e Tregtisë dhe Industrisë), Dardan Gashi (ministër i Mjedisit) Bedri Hamza (ministër i Financave), Nenaq Rashiq (ish ministër i Punës).

Rasti i hetimit të privatizimit të hidrocentraleve është përmendur edhe nga kryeprokurori i shtetit, Aleksandër Lumezi në Emisionin “Jeta në Kosovë”.

Katër hidrocentrale ishin privatizuar bashkë me distribucionin dhe furnizimin me energji elektrike. Përfshirja e tyre në pakon tenderuese ishte mbajtur e fshehtë, ndërsa edhe ministrat që kanë marrë vendimet kryesore për privatizim kanë deklaruar se nuk kanë qenë të informuar se në pako është përfshirë edhe shitja e hidrocentraleve…