web counter
LEXO PA REKLAMA!

SHKARKO APP

App Store
Google Play

E fundit!

x

Saimir Tahiri dhe dosja me pullë të kuqe e Grida Dumës

3 Maj 2018, 16:39, Aktualitet CNA

Saimir Tahiri disa javë më parë në emisionin “Opinion” deklaroi, se Grida Duma ishte ajo që duhet ta vlerësonte punën e tij. Diçka fshehu, diçka sulmoi, diku u tha një intrigë. Ish-ministri i Brendshëm, qe i drejtpërdrejtë.

Sot ai ka dhënë dorëheqjen, nuk do të kemi mundësinë, të paktën për pak kohë, të shohim apo të kuptojmë të vërtetën e asaj deklarate të Saimir Tahirit. Ku konsistonte qëndrimi i tij në lidhje me Grida Dumën, Sekretaren në shkëlqim të Partisë Demokratike, njeriun e “big show-t” por edhe “big skandaleve”?

Një histori midis Saimir Tahirit dhe Grida Dumës, që ka lidhje edhe me persona të tretë, dhe me ngjarje kriminale, por që nuk u fol më pas emisionit “Opinion”, dhe pas atij akti që sot bëri Saimir Tahiri, ndoshta nuk do ta shohim apo dëgjojmë më kurrë se cila është e vërteta. Çfarë fshihet pas marrëdhënies së Saimir Tahirit me Grida Dumën? Pse qe ai reagim nga ish-ministri i Brendshëm?

Ndoshta në Parlament ai mund të kish qenë më i drejtpërdrejtë, ashtu si edhe atë ditë në emisionin “Opinion” mund të kishte pasur një tjetër reagim, por ai tashmë nuk do ta ketë këtë qëndrim ndaj Grida Dumës, pasi ai është jashtë Parlamentit. Ne do të tentojmë herë pas here që të zbulojmë atë të vërtetë, por Saimir Tahiri duket një kasafortë për marrëdhënien apo ngjarjen e asaj kohe, kur ai ka qenë Ministër i Brendshëm, në lidhje me Grida Dumën.

Në fakt dorëheqja e tij nuk është se e fsheh shumë ngjarjen, pasi ndoshta pa mandat ai mund të bëhet edhe më agresiv dhe të flasë më fort publikisht.

S’ngelet gjë tjetër, veçse që të presim të shohim, që përtej dosjes së Edi Ramës, Fatmir Xhafajt, Ilir Metës, Lulzim Bashës etj., të kemi edhe dosjen me pullë të kuqe të Grida Dumës. /CNA.al





Lajmet e fundit nga