E fundit!

19:08 Aktualitet

Zhvillohet sot protesta e 49-të kundër qeverisë

Këtë të shtunë po zhvillohet protesta qytetare e 49-të...

Dekonspirimi i dosjeve të “nxehta”/ Hajdarmataj tregon, se a janë të lidhur prokurorët me krimin

27 Prill 2018, 10:37, Aktualitet CNA

Dosje kriminale të konsideruara të ?nxehta? dhe tejet të ndjeshme, hidhen në opinionin publik si skenarë të filmave me aksion.

Ndërkaq, deri më tani, askush nuk ka dhënë përgjegjësi edhe pse të dhëna hetimore të ashtuquajtura sekrete, kanë dalë në publik dhe janë ?ulur? në tavolinat e qytetarëve.

Në këto rrethana lindin një sërë pyetjesh se përse dalin dosjet e prokurorisë në publik.

Dështojnë prokurorët në hetimin e çështjeve dhe për të mbuluar këtë dështim i hedhin në publik? Janë prokurorët të lidhur me krimin? Apo prokurorët marrin urdhër nga politika?

Të njëjtat pyetje vlejnë edhe për oficerët e policisë.

Risjellim në vëmendje se ndërkohë që Prokuroria e Krimeve të Rënda, lëshoi urdhër-arrestet për 3-ish zyrtarë të lartë të policisë, ata u arratisën, pa mundur të bëhej ekzekutimi i urdhër arresteve të tyre. Ky dështim erdhi pas dekonspirimit të operacionit.

Ish-zyrtarët e lartë të Policisë së Shtetit, Jaeld Çela, Sokol Bode dhe Gjergj Kohila dyshohet se janë përfshirë në trafikun e kanabisit.

Akuza që qëndron mbi këta zyrtarë është ajo e mosveprimit ndaj kultivimit të kanabis sattivës në këtë qark.

Nuk dihet nëse dekonspirimi ka ardhur në momentin e dorëzimit të urdhër arresteve nga Krimet e Rënda te SHÇBA apo nga Policia, e cila duhej të ekzekutonte urdhërin e Prokurorisë. Por, hetimet, ndërkaq përfshijnë edhe Krimet e Rënda.

Ndërsa ka folur në përgjithësi dhe jo për çështje konkrete, kreu i Prokurorisë për Krime të Rënda, Besim Hajdarmataj, ka mohuar nxjerrjen e sekretit hetimor nga institucioni që ai drejton.

?Prokurorët dhe oficerët e policisë gjyqësore kryejnë detyrën e tyre me integritet duke respektuar ligjit penal, procedurial penal, ligjet e tjera në fuqi por dhe kodin etik.

Në asnjë rast nuk kemi të evidentuar lidhjen e prokurorëve me persona të inkriminuar apo përfshirë në politikë. Lidhur me nxjerrjen e të dhënave të konsideruara sekrete në funksion të hetimit, ju bëjmë me dije se, gjatë mbajtjes së marrëdhënies tonë juridiksionale me Gjykatën si kërkesa të ndryshme në përfundim të hetimeve apo dërgimin e çështjes për gjykim, disa të dhëna mund të bëhen publike nga media apo persona të tjerë, të cilët kanë të drejtën të marrin pjesë në gjykime të zhvilluara me dyer të hapura. Kjo në asnjë rast nuk ka dëmtuar hetimet?, ka thënë Hajdarmataj, për CNA.al, duke iu referuar vetëm asaj që thuhet në seanca gjyqësore.

Sipas Hajdarmatajt, nga Prokuroria e Krimeve të Rënda është i regjistruar një procedim penal për nxjerrjen e sekretit hetimor, lidhur me një episod të evidentuar në vitin 2016./CNA.al