web counter
LEXO PA REKLAMA!

SHKARKO APP

App Store
Google Play

Skandal/ Policët braktisin punën për tu marrë me formularët e Xhafajt

27 Prill 2018, 07:19, Aktualitet CNA

Policia e Shtetit pas miratimit të ligjit në parlament ka filluar procesin e Vettingut për punonjësit e saj.

Një proçes që përtej aspektit të transparencës së kërkuar nga ligji dhe propagandës qeveritare ka çuar policët në braktisje të detyrës.

Qindra trupa policore të kryeqytetit dhe atyre në rrethe çdo ditë me orë të tëra nuk janë në shërbim, por vrapojnë në kërkim të vërtetimeve dhe dokumenteve që duhen për plotësimin e formularit të Vettingut.

Dikujt i kanë kërkuar edhe vërtetim për rrogën e babait dhe të ardhurat e prindërve që në kohën e diktaturës. Një Vetting, i cili në disa aspekte duket qesharak sepse në vend që ti shërbejë transparencës së pari po pengon punën në Policinë e Shtetit dhe së dyti kërkohen dokumente, të cilat duan kohë të plotësohen por janë edhe përtej çdo afati ligjor.

Në një komisariat për mbushjen e këtij formulari ka një person të trajnuar. Pra, një individ për 300 policë të tjerë, të cilët duhet të braktisin detyrën për të bredhur dhe për të gjetur dokumentat që kërkon Fatmir Xhafaj, të cilat nuk duken në fakt të jenë procesi i transparencës në polici, por në emër të saj dhe gjoja Vettingut, ky proçes do të përdoret si kamxhik politik për largimin e profesionistëve nga policia dhe mbushjen e uniformave blu me militantët që ende kërkojnë punësim te Xhafaj./ CNA.al





Lajmet e fundit nga