web counter
LEXO PA REKLAMA!

SHKARKO APP

App Store
Google Play

Denoncimi në CNA.al/ Xhafaj presion Policisë së Shtetit

27 Prill 2018, 08:43, Aktualitet CNA

Ndërkohë që ligji i Vettingut ka shtuar ethet në radhët e gjyqësorit, dhe në Policinë e Shtetit, një denoncim ka ardhur sot në redaksinë e CNA.al.

Një oficer policie, emrin e të cilit nuk mund ta bëjmë të ditur, thekson se e gjithë Policia e Shtetit  është në stres të madh.

Ai thekson se në formularët e Vettingut ?kërkojnë materiale të cilat i ka institucioni jonë si psh pagat, shpërblimet, orët suplementare, taksen e solidaritetit etj, mirëpo institucioni ynë edhe pagat nuk i gjen dot dhe na thonë ne vetëm këto kemi.  Por ligji i Vettingut kërkon të gjitha të ardhurat që ne kemi pasur nga puna. Nëse nuk na i gjen institucioni ynë që e ka për detyrë, atëhere pse e prodhoi këtë ligj që nuk i përgjigjet vetë i pari dhe nuk ka dokumentacion??

Ndërsa më tej denoncuesi shprehet se pastaj komisioni thotë që formulari nuk është plotësuar në rregull, ndërkohë qe efektivët e policisë nuk kanë informacionin e duhur për plotësimin e tij.

?Dhe do të na thotë komisioni pastaj që nuk e keni plotësuar formularin në rregull në një kohë që ne nuk kemi informacion. Pse sindikata jonë nuk e çon këtë ligj në kushtetuese apo edhe sindikatën e kanë blerë? Edhe për dy formularët e tjerë të gjithë dokumentat i kanë në dosjet tona dhe nuk na i japin. Ku ti gjejmë ne? Pothuajse e gjithë policia ja ka varur punës dhe po merret me këto gjëra.?- shkruan në mesazhin e tij denoncuesi./ CNA.al





Lajmet e fundit nga