web counter
LEXO PA REKLAMA!

SHKARKO APP

App Store
Google Play

"Çeta" e Genc Pollos merr kontrollin e PD

12 Prill 2018, 17:29, Aktualitet CNA

Kryetari i Partisë Demokratike, Lulzim Basha, ka shkarkuar kryetarin e PD-së, dega Durrës, Oerd Bylykbashi dhe në vend të tij ka vënë Ferdinand Xhaferrin.

Ferdinand Xhaferri është komanduar në krye të PD-së Dega Durrës për herë të tretë, pas problemeve që kanë shoqëruar këtë degë.

Por me komandimin e Xhaferrit në krye të PD-së Dega Durrës, është shënuar edhe fitorja “e fundit” e Genc Pollos dhe “çetës” së tij. Pas futjes së kandidaturave të tij si deputetë në Kuvend, përkatësisht Valentina Duka dhe Tritan Shehu, vendosjes së Enno Bozdos si Sekretar në organizimin e PD dhe marrjes së Korçës me anë të Andrea Manos, Genc Pollo arriti që t’i japë një post edhe të fundit person prej “çetës” së tij, bashkëthemeluesit të PDr, Ferdinand Xhaferri.

Ferdinand Xhaferri ka qenë edhe dy herë të tjera para se të themelonte PDr-në, në krye të PD-së së Durrësit dhe sot është komanduar për herë të tretë nga Lulzim Basha. Ai ka qenë dy herë rresht kryetar i PDr-së së Genc Pollos, e cila ishte një formacion politik i dalë nga Partia Demokratike.

Xhaferri ka kandiduar disa herë për kryetar Bashkie në Durrës, por asnjëherë nuk arriti që të fitonte. Ai mbahet mend edhe për deklaratën e tij gjatë fushatës së zgjedhjeve lokale të 2011 në Durrës, ku premtoi se do të përmirësonte cilësinë e diellit.

Komandimi i tij në krye të PD-së Dega Durrës, vjen pas një debati në PD, ndërsa CNA.al raportoi se, ?Fahri Balliu botuesi i gazetës ?55?, ka ushtruar presion të vazhdueshëm ndaj Lulzim Bashës, duke kërkuar pazarin e radhës. I mbështetur edhe nga miku i tej Genc Pollo, ata kërkojnë që Basha të largojë Oerd Bylykbashin dhe në vend të tij në krye të PD Durrës, të caktojë Ferdinand Xhaferrin.?

Me zgjedhjen e Xhaferrit në këtë post, “çeta” e Genc Pollos merr kontrollin e PD-së. /CNA.al





Lajmet e fundit nga