web counter
LEXO PA REKLAMA!

SHKARKO APP

App Store
Google Play

E fundit!

x

Skenari i Lulzim Bashës me Durrësin/ Ja mbledhja dhe dorëzimi tek Genc Pollo

12 Prill 2018, 17:05, Aktualitet CNA

Kryetari i Partisë Demokratike, Lulzim Basha, ka thirrur pasditen e sotme në një takim në selinë e PD në Tiranë, koordinatorët e PD në Durrës, por duke lënë jashtë anëtarët e Kryesisë të cilët ai i ka përjashtuar.

“Miremëngjesi të gjithëve. Ju njoftoj që sot datë 12/04/2018 në orën 18.00 keni një mbledhje të rëndësishme me Kryetarin e PDSH Z. Lulzim Basha në Selinë qëndrore në Tiranë. Tema: Konkluzionet e Analizës. Faleminderit PD dega Durrës.”

Ky është mesazhi që PD Dega Durrës, u ka dërguar koordiantorëve, që siç e lexoni, bëhet fjalë për konkluzionet e analizës, analizë e cila në pjesën dërrmuese është zhvilluar nga vetëm një grusht njerëzish dhe me kritika të shumta.

CNA.al mësoi se në këtë takim, nuk janë ftuar as anëtarët e Kryesisë, por as edhe ish-deputetët e këtij Qarku.

Rezultati në Qarkun e Durrësit ka qenë katastrofik, ashtu si i gjithë rezultati i përgjithshëm i Partisë Demokratike në zgjedhjet e shkuara. Në Durrës nga 14 deputetë, PD-ja e Lulzim Bashës arriti të marrë vetëm 4 mandate, përkundër 10 mandateve të Partisë Socialiste. Partia Demokratike me koalicionin ka 6 deputetë më pak.

Lulzim Basha jo vetëm që nuk mban përgjegjësi për humbjen, por as nuk pranon kritika dhe mendime ndryshe, e kjo shihet në të gjitha vendimet e tij të fundit. Takimi i thirrur me në Tiranë me koordinatorët e PD-së së Durrësit, nuk është gjë tjetër, pos një shmangie nga debatet, mendimi ndryshe dhe kritikat, ashtu si edhe lënia jashtë këtij takimi të anëtarëve të Kryesisë apo dhe ish-deputetëve të Durrësit. /CNA.al





Lajmet e fundit nga