web counter
LEXO PA REKLAMA!

SHKARKO APP

App Store
Google Play

E fundit!

x

Akuzohet për dy vepra penale/ Regon ministri i paditur

12 Prill 2018, 16:14, Aktualitet CNA

Ministri i Infrastrukturës Pal Lekaj, ka reaguar pas aktpadisë së ngritur nga Prokuroria Speciale e Republikës së Kosovës, që e akuzon për konsumimin e dy veprave penale: atë të përvetësimit në detyrë dhe keqpërdorimit të detyrës zyrtare, shkruan ?Zëri.Info?.

Lekaj ka mohuar akuzat duke deklaruar se asnjëherë nuk ka vepruar jashtëligjshëm, por vetëm në ndihmë të qytetarëve të shumët që kanë përfituar subvencione të cilat i ka shpërndarë Komuna e Gjakovës.

Më tej Lekaj ka thënë se do të respektojë cilindo epilog të drejtësisë dhe se nuk do të ndalet me punën pa marrë parasysh tendencën e presionin.

 “Po lexoj në media që organet e drejtësisë paskan ngritur një aktakuzë për një çështje të para 10 viteve.

Krejt çka mund të them tani për tani është se në asnjë rast e rrethanë nuk kam vepruar ndryshe përveçse në harmoni me ligjin dhe në ndihmë për qytetarët e shumtë që kanë përfituar nga subvencionet të cilat i ka shpërndarë Komuna e Gjakovës.

Ashtu siç kam qenë do të vazhdojë të jem në krye të detyrës, për të përmbushur obligimet tona ndaj qytetarëve dhe vendit tonë.
Cilido që do të jetë epilogu i organeve të drejtësisë jam i gatshëm ta respektoj.

Por nuk do të ndalemi në punën tonë, pa marrë parasysh tendencës së presionit”, ka deklaruar Lekaj.





Lajmet e fundit nga