web counter
LEXO PA REKLAMA!

SHKARKO APP

App Store
Google Play

Padi penale ndaj ministrit/ Mësoni për çfarë akuzohet

12 Prill 2018, 15:27, Aktualitet CNA

Ish kryetari i Komunës, aktualisht Ministër dyshohet se është përgjegjës për konsumimin e dy veprave të renda penale. Këtë e ka konfirmuar edhe prokurori i çështjes, duke sqaruar se tashmë aktakuza ndaj ministrit i është dorëzuar Gjykatës dhe pritet caktimi i datës së gjyimit.

Fjala është për Pal Lekajn, ish kryetari i Komunës së Gjakovës, i cili në kabinetin e qeverisë Haradinaj mban postin e ministrit të Infrastrukturës. Ndaj tij Prokuroria Speciale e Republikës së Kosovës (PSRK) ka ngritur aktakuzë.

Lajmin e ka raportuar  ?Betimi për Drejtësi?, dhe e ka konfirmuar prokurori special, Faik Halili, i cili nuk ka pranuar të jep më shumë detaje. Dy veprat penale për të cilat akuzohet Lekaj janë përvetësimi nga posti dhe detyra që mban si dhe keqpërdorim të detyrës zyrtare.

Prokurori Halili, ka thënë se aktakuza ndaj Lekajt tashmë është dorëzuar në Gjykatën Themelore në Gjakovë. Janë vepra penale që ai i ka konsumuar ndërsa ka qenë  për dy mandate  kryetar i Komunës së Gjakovës, nga viti 2007 e deri në vitin 2013, kur e humbi garën me Mimoza Kusari ?Lila.

Pas kësaj, Lekaj u  zgjodh deputet në Kuvendin e Kosovës nga radhët e Aleancës për Ardhmërinë e Kosovës duke  ushtruar edhe postin e shefit të Grupit Parlamentar të kësaj partie.

Pas zgjedhjeve të fundit, ai u emërua Ministër i Infrastrukturës, në ekzekutivin kosovar, të cilin e udhëheq shefi i tij i partisë, Ramush Haradinaj.





Lajmet e fundit nga