web counter
LEXO PA REKLAMA!

SHKARKO APP

Gjermania jep siguri për çeljen e negociatave/ Balla “sulmon” opozitën

12 Prill 2018, 15:54, Aktualitet CNA

Kreu i grupit parlamentar të Partisë Socialiste, Taulant Balla ka zhvilluar një takim me një nga Raportuesit e BE-së, në Budestagun gjerman.

Në një deklaratë për mediet, Balla ka thënë se ditët në vijim janë shumë të rëndësishme për të ardhmen e Shqipërisë, pasi pritet që vendit tonë t?i komunikohet hapja e negociatave me BE.

Ai ka deklaruar se deputeti gjerman ka dhënë mbështetjen e tij për çeljen e negociatave në datë 17 prill.

?Pata kënaqësinë që të zhvilloja një takim me deputetin gjerman në Budestag. Javën tjetër komisioni Europian duket se do t?i sugjerojë vendeve anëtare hapjen e negociatave për Shqipërinë pa asnjë kusht, dhe menjëherë pas kësaj vendet anëtare i kërkojnë parlamentit duke përfshirë edhe Bundestagun gjerman në një seancë do të kërkohet vendimmarrja.

Hapja e negociatave nuk duhet të konsiderohet si një fitore e PS apo qeverisë, por një ditë historike. Nëse humbasim trenin këtë vit duhet të presim dhe dy apo tre vite të tjera. Jam shpresë plot se në parlamentin Gjerman do të na mbështesin?.

Në përfundim Balla ka rikther vëmendjen tek tensioni i ditës së sotme që uzurpoi seancën parlamentare.

?Është për të ardhur keq që në këto ditë, fotografia që opozita ofroi sot në Kuvend nuk i bën aspak mirë këtij procesi?,- u shpreh Taulant Balla. /CNA.al

 





Lajmet e fundit nga