web counter
LEXO PA REKLAMA!

SHKARKO APP

App Store
Google Play

PS kërkon përjashtimin e deputetëve opozitarë/ Paloka paralajmëron trazira të forta

12 Prill 2018, 16:22, Aktualitet CNA

Para mbledhjes së Byrosë së Kuvendit, ku do të merret vendimi për përjashtimin ose jo të deputetëve të opozitës, në një deklaratë për mediet, deputeti i Partisë Demokratike, Edi Paloka ka thënë se vendimi i sotëm dihet.

Ai ka thënë se për çdo Kryeministër që vihet kundër popullit të tij duhet të largohet, pavarësisht vendimit të Byrosë.

Gjithashtu Paloka ka thënë se për tensionin e sotëm në seancën parlamentare nuk ka asnjë reagim nga ndërkombëtarët.

“Për tensionin e sotëm në Kuvend, nuk ka asnjë reagim nga ndërkombëtarët.

Dua të them se karrigia e Ramës tashmë është thyer dhe nuk ka më as polici që tia mbajë.

Kush vihet kundër popullit të tij, do të largohet, pavarësisht çdo vendimi që do të merret nga kjo Byro sot.

Nëse kuksianët nuk lihen të lirë atëherë reagimi i opozitës do të jetë më i fortë”.

Mbledhja e sotme e Byrosë së Kuvendit, është lajmëruar se do të mblidhet, pasi pas tensioneve në Kuvend nga deputetë të opozitës, PS ka kërkuar përjashtimin e disa prej tyre.

Gjithashtu u tha se kreu i Kuvendit, Gramoz Ruçi do të kërkojë përjashtimin nga Parlamenti dhe të ministrit të Jashtëm Ditmir Bushati, ndërsa mbetet për tu parë.  /CNA.al





Lajmet e fundit nga