web counter
LEXO PA REKLAMA!

SHKARKO APP

App Store
Google Play

HEC-et mbi Osum/ Gjiknuri: Projektet nuk janë të manipuluara

12 Shkurt 2018, 21:26, Ekonomi CNA

Ministri i Infrastrukturës dhe Energjitikës, Damian Gjiknuri, i ftuar në emisionin “Studio e hapur” të gazetares Eni Vasili, u ndal tek akuzat mbi ndërtimin e HEC-eve mbi lumin Osum.

Ai u shpreh se leja është dhënë në vitin 2016, dhe se nëse ndikon ndërtimi i tyre në mjedis apo jo, këtë e tregon vlerësimi i agjencive përkatëse.

“Leja e ndërtimin është dhënë në 2016. Ka një pretendim nga Ministria e Mjedisit dhe jemi shprehur që nëse ka koordinata të rreme apo të dhëna t falsifikuara ka të drejtën të revokojë vendimet e dhëna nga KKRT-ja. Projekti nuk ishte në zonë të mbrojtur. Janë hedhur shumë spekulime, dhe t?i sqarojmë.”, – tha Gjiknuri.

Më tej ai u shpreh se, “Projekti nuk devijon ujëvarë, por vazhdon siç ka qenë. Unë nuk e di për çfarë projekti të manipuluar flitet. Unë di të dhënat për të cilat ka folur ministri i Mjedisit, dhe unë besoj se do vijohet në këtë drejtim deri në zbardhjen e plotë të rastit. Kam besim që Ministria e Mjedisit do t?i shkojë deri në fund çështjes. Sipas dokumenteve që kanë sjelle Agjencitë përkatëse të mjedisit, nuk ka probleme të tilla. Tashme i takon agjencive të mjedisit ta zbulojnë këtë. Unë flas për rolin e Ministrisë së Infrastrukturës dhe Energjetikës. Ky institucion nuk bën vlerësime mjedisore, këtë e bën një institucion tjetër.” /CNA.al





Lajmet e fundit nga