web counter
LEXO PA REKLAMA!

SHKARKO APP

App Store
Google Play

Eksportet bujqësore ngecin me Kosovën, dyfishohen me Serbinë

22 Gusht 2016, 19:22, Ekonomi CNA

Vendet e rajonit, Serbia, Kosova dhe Mali i Zi janë oazi i eksporteve të frutave dhe perimeve shqiptare.

Por në pjesën e parë të vitit shihet që të ketë një zhvendosje të shitjeve të prodhimeve bujqësore ?Made in Albania? nga vendi në vend. Teksa shihet se me Kosovën eksportet e janë në vendnumëro me rënie 3% për perimet dhe me rritje të lehtë për frutat, me Serbinë ka ndodhur revolucioni.

Eksportet e perimeve me Serbinë u rritën me 73% në janar-qershor 2016, sipas të dhënave të INSTAT, ndërsa të frutave panë një rritje 92%, gati me dyfishim me të njëjtën periudhë të vitit 2015.

Sipas të dhënave të INSTAT,  eksporti i perimeve për gjashtëmujorin e parë  të këtij viti u rrit me 39% duke arritur në  mbi 3 miliardë lekë. Pothuajse një e treta e eksporteve (984 milionë lekë) të zarzavateve shkoi në Serbi. Ndërsa pjesa tjetër prej 21% shkoi në Kosove me një vlerë prej 667 milionë lekësh.

Edhe eksporti i frutave u rrit me 54% në krahasim me gjashtëmujorin e parë të 2016 , të cilat ashtu si edhe perimet u destinuan kryesisht në rajon, si në Kosovë, Serbi, Maqedoni dhe Serbi, shkruan Monitor.

Eksportet e fruta-perimeve drejt Serbisë arritën në fund gjysmës së parë të vitit mbi 1.1 miliardë lekë, ndërsa në Kosovë 826 milionë lekë.

Në hartën e eksporteve bujqësore nuk ekziston Rusia. Vendi nordik,  vitet e fundit para se të vihej embargo, ishte destiancioni i preferuar dhe me rritje të shpejtë i perimeve shqiptare.

Fermerët në zonën e Lushnjës pohuan se bllokimi i eksporteve me Rusinë ka ndikuar në fitimet e zonës, pasi çmimet që ofronte ky vend ishin më të larta se rajoni.





Lajmet e fundit nga