web counter
LEXO PA REKLAMA!

SHKARKO APP

App Store
Google Play

Inceneratorët/ PD kërkon interpelancë me ministrin Gjiknuri

11 Shkurt 2018, 09:58, Politikë CNA

Çështja e inceneratorëve të Fierit ka krijuar një konflikt midis palëve politike.

Partia Demokratike deklaron se kjo çështje përbën një shqetësim madhor për qytetarët, ndërsa kanë kërkuar interpelancë me 14.02.2018.

?Rreth këtij skandali të përmasave të paimagjinueshme nuk ka pasur asnjë reagim në përputhje me detyrimet që i burojnë nga ligji nga ana e Ministrisë së Infrastrukturës dhe Energjisë. Gjithashtu na duhet të vëmë në dukje se ministria nuk i është përgjigjur shkresave të drejtuara nga deputetët e opozitës duke e thelluar edhe më skandalin. Deputetët e opozitës parlamentare janë thellësisht të shqetësuar për këtë fakt dhe për heshtjen e pashpjegueshme dhe të paargumentuar të autoriteteve përgjegjëse. Në vlerësimin tonë, është detyrë e Kryeministrit dhe Ministrit të Infrastrukturës dhe Energjisë, si dhe Ministrit të Turizmit dhe Mjedisit së një vendi kandidat për në Bashkimin Europian, që të analizojë me përgjegjshmëri këto fakte tronditëse, si dhe të mbajë qëndrim publik dhe mbi të gjitha të bëjë transparente për kuvendin dhe publikun kushtet në të cilat janë zhvilluar procedurat dhe si janë lidhur e termat e kontrateve?, thuhet në kërkesën e PD-së. /CNA.al

 





Lajmet e fundit nga