web counter
LEXO PA REKLAMA!

SHKARKO APP

App Store
Google Play

Berisha: Ky është roli i Tahirit në bandën e Habilajve

24 Tetor 2017, 19:54, Politikë CNA

Ish-kryeministri Sali Berisha ka hedhur një sërë akuzash kundrejt kreut të qeverisë Edi Rama dhe ish-ministrit të Brendshëm Saimir Tahiri, ndërsa komentoi edhe mbi rolin e këtij të fundit në bandën e trafikantëve të drogës ?Habilaj?, që rezultojnë të jenë kushërinjtë e tij.

Sipas ish-kryeministrit, roli i Tahirit ishte që të dilte garant për mbrojtjen dhe mbajtjen larg të policisë nga plantacionet e drogës.

Më tej ai shtoi se vlera më e madhe që kishte makina e Tahirit, e cila iu shit anëtarëve të kësaj bande, ishte targa 003 e saj, sepse ajo dihej se ishte e ministrit të Brendshëm, e kësisoj ajo do të krijonte një sërë lehtësish.

?Vlera e paçmuar e makinës ishte targa 003 dhe pronësia e ministrit. Katër vite me radhë kjo nuk u ndryshua. Ajo kishte të hapur çdo postbllok?, – u shpreh Berisha.

Më tej ai tha se ka qenë targa ajo që është shitur dhe dokumenti.

“Po targën dhe dokumentin. Ai ka vendosu postin e tij si transportues droge. Po kështu ka qenë skafi. Ai gënjen. Janë dokumentet në doganë, që ai ka shitur Skafin. E kanë marrë Habiljat. Po si ka mundësi që t?i shitet çdo gjë Habilajve. Zagani ka të drejtë, në atë kohë ata e kanë pasur në përdorim. Më vonë kur ne e ngritëm në parlament, ai i shiti në emër të Bashkim Tahirit. Ai që njeh bandën, banda është e ndarë me detyra. Ai që merr një detyrë, nuk mund të dijë asgjë për segmentin tjetër. Saimir kishte detyre që të mos cenoheshin plantacionet e drogës së Habilajve, apo ju jepej vilat qeveritare. Pse s?u arrestua Bablili? Ishte i fuqishëm, por jo si Habiljat. Ata kishin pikën e lokalit dhe trafikut në Borsh.” , – deklaroi Berisha. /CityNews





Lajmet e fundit nga