Kontrolli i Lartë i Shtetit i kërkon Voltana Ademit: Shkarko Mark Mollën/ Ja, abuzimet e tij në Ujësjellës

8 Shkurt 2018, 13:09, Politikë CNA

Pas kontrollit të kryer në në ndërmarrjen?Ujësjellës Kanalizime Shkodër? SHA. mbi auditimin e ligjshmërisë së veprimtarisë ekonomiko-financiare për periudhën nga data 01.07.2015 deri më datën 30.06.2017, Kontrolli Lartë i Shtetit, KLSH, kërkon me vendimin e datës 27.12.2017 largimin nga detyra të administratorin e Ujësjellës Kanalizime Shkodër, Mark Molla për një sërë shkeljesh që KLSH ka evidentuar në këtë ndërmarrje.

?Nga auditimi i ushtruar në ?Ujësjellës Kanalizime Shkodër? SHA. rezultoi që ka devijime nga kuadri ligjor dhe rregullator në fuqi. Anomalitë e konstatuara në pasqyrat financiare janë të përhapura e materiale. Problematikat thelbësore qëndrojnë në: Riorganizimi i shoqërisë nuk është kryer sipas ndarjes së re administrativo-territoriale, niveli i humbjeve në prodhim dhe sasia e ujit të pa arkëtuar nga faturimi është i lartë, nuk janë zbatuar aktet ligjore e nënligjore të përcaktuara për këtë proces.?, shkruan ndër të tjera KLSH në raport.

Sipas raportit të KLSH-së, masa disiplinore për administrator Mollën kërkohet për motivacionet e mëposhtme: ?-Për mos përfundimin e procesit të bashkimit me ish-?Ujësjellësin Fshat? SHA. në kundërshtim me Ligjin nr. 9901, datë 14.04.2008?Për Tregtarët dhe Shoqëritë Tregtare?, Ligjin nr. 115/2014 ?Për ndarjen administrativo-territoriale të njësive të qeverisjes vendore në Republikën e Shqipërisë?, VKM nr. 510, datë 10.6.2015 ?Për miratimin e procedurave për transferimin e të drejtave dhe detyrimeve, personelit, aktivet të trupëzuara dhe të pa trupëzuara, të arkivave dhe çdo dokumentacioni tjetër zyrtar në njësitë e qeverisjes vendore, të prekura nga riorganizimi administrativo-territorial?, VKM nr. 63, datë 27.1.2016 ?Për riorganizimin e operatorëve që ofrojnë shërbimin e furnizimit me ujë ë pijshëm, grumbullimin, largimin dhe trajtimin e ujërave të ndotura?

-Për moszbatimin e shkronjën ?b? të nenit 1 të ligjit nr. 7598, datë 01.09.1992 ?Për krijimin e fondit të veçantë monetar për ish-të dënuarit e të përndjekurit politikë? dhe VKM nr. 392, datë 12.08.1999 ?Për administrimin e fondit të veçantë monetar, të krijuar sipas ligjit nr. 7598, datë 01.09.1992 ?Për krijimin e fondit të veçantë monetar për ish-të dënuarit e të përndjekurit politikë? për të arkëtuar për llogari të Institutit të Integrimit të ish-të Përndjekurve Politikë shumën 1 % të fondit të pagave për vitin 2015-2017 në vlerë totale 3,907,442 lekë. -Për shpërndarje bonusi (shpërblimi) në vlerën 1,460,000 lekë pa u mbyllur viti ushtrimor 2016 në kundërshtim me Kodin e Punës, Nenin 114. -Për mosveprimet dhe mos likuidimet e detyrimeve dhe kamatëvonesave për 17 kontrata të ish-?Ujësjellësit Fshat? SHA., për të cilat detyrimi deri në 31.03.2017 është në shumën 24,822,015 lekë dhe kamatëvonesat janë në shumën 9,154,972 lekë. 21

-Për menaxhim të keq financiar dhe mosveprim në lidhje me procedurën e transferimit të punonjësve në bazë të VKM nr. 63 datë 27.01.2016. -Për nxjerrjen e urdhrit të kryerjes së procedurës së prokurimit me vlerë të vogël nr. 33 nr. 72 prot., datë 21.12.2016 për shërbimin ?Vlerësim i aktiveve të identifikuara për nxjerrje jashtë përdorimi?, procedurë e cila nuk mund të prokurohet në kundërshtim me Udhëzimin nr. 30 datë 27.12.2011 ?Për menaxhimin e aktiveve në sektorin publik?.

-Për mos ndarje të detyrave të zyrtarëve/nëpunësve të përfshirë në hartimin e dokumenteve të tenderit dhe të zyrtarëve të përfshirë në vlerësimin dhe përzgjedhjen e fituesit, për dy procedura prokurimi ?Shërbimi i ruajtjes së objekteve me roje private ? datë 20.07.2016 dhe ?Shërbim Roje Private?,[për 2 objekte të Njësisë Administrative Velipojë-Stacioni i Ujësjellësit dhe Impianti i Ujërave të Zeza] datë 23.12.2016, veprime këto në kundërshtim me nenin 56 (paragrafi i parë) të VKM nr. 914, datë 29.12.2014 ?Për miratimin e rregullave të prokurimit publik?, i ndryshuar.

-Për lidhjen e shtesës së kontratës me objekt ?Shërbimi i ruajtjes dhe sigurisë fizike të 3 (tre) objekteve dhe personelit të ?Ujësjellës Kanalizime Shkodër? SHA., sigurimi dhe shoqërimi i vlerave monetare gjatë transportit? datë 18.05.2016, pa realizuar procedurën e prokurimit ?Me negocim, pa shpallje paraprake të njoftimit? në kundërshtim me pikën 5/a të nenit 33 të LPP dhe nenit 36 të VKM nr. 914, datë 29.12.2014 ?Për miratimin e rregullave të prokurimit publik?, i ndryshuar.

-Për realizimin e procedurës së prokurimit ?Marrje me qira 3 automjete për një afat 5 vjeçar?, datë 04.11.2016, në kundërshtim me VKM nr. 914, datë 29.12.2014 ?Për miratimin e rregullave të prokurimit publik?, i ndryshuar, neni 76 ?Kohëzgjatja e kontratës?. (Trajtuar më hollësisht në pikën 4 faqe 36-43, pikën 5 faqe 43-49, pikën 6 faqe 49-54, pikën 8 faqe 60-62, pikën 9.6 datë 79-81, pikën 9.7 faqe 81-83, pikën 9.8 faqe 83-86, pikën 9.9 faqe 86-88)?, numëron shkeljet KLSH. KLSH thotë në raportin e saj se Molla i ka shkaktuar miliona lekë dëm buxhetit të shtetit.

KLSH nënvizon në raportin e tij se Bashkia Shkodër dhe Këshilli i Administrimit i ?UK Shkodër? SHA të analizojë përgjegjësinë dhe të fillojë procedurat për dhënien e masës disiplinore ?Largim nga detyra? për Mark Mollën. Për një sërë shkeljes në Ujësjellësin e Shkodrës, KLSH kërkon dhënien e masave disiplinore edhe për një sërë zyrtarësh dhe punonjësish të tjerë të kësaj ndërmarrje. /ShkodraNews

http://www.klsh.org.al/web/195_vendim_per_web_uk_sha_shkoder_date_27_12_2017_1_3796.pdf