web counter
LEXO PA REKLAMA!

SHKARKO APP

App Store
Google Play

Kërcënon Kryemadhi: Protesta e 27 janarit vetëm maja e ajsbergut...

29 Janar 2018, 20:23, Aktualitet CNA

Kryetarja e Lëvizjes Socialiste për Integrim Monika Kryemadhi, e ftuar në studion e emisionit “5 pyetjet nga Babaramo”, deklaroi se protesta e 27 janarit është vetëm maja e ajsbergut dhe se protesta të tjera do të mbahen në muajt në vijim për largimin e Edi Ramës.

“Largimi i Edi Ramës është mision kombëtar. Sepse ne çdo ditë e më shimë shohim shqiptarë që po largohen nga Shqipëria, i patë si jetojnë shqiptarët në kampe në Francë, në Gjermani, ata pak të shkolluar po ikin, si mjekët, infermierët. kemi biznese pafund që po largohen drejt vendeve të rajonit, për shkak të taksave të ulëta. Ne si vendi më i varfër kemi taksat më të larta”, u shpreh Kryemadhi.

Sipas saj protesta i arriti pritshmëritë e organizatorëve.

“I arriti pritshmëritë. Ishte një protestë paqësore dhe pjesëmarrja ishte e jashtëzakonshme dhe tregoi se shumica e shqiptarëve janë kundër qeverisë., Pas shumë vitesh ne nuk kemi parë një pjesëmarrje kaq të madh. jemi vetëm tre muaj pas një qeverie të re dhe rrit përgjegjësinë tonë ku në fakt protesta e 27 janarit ishte e suksesshme, por vendos përpara një sfidë të madhe opozitën, për të ndjekur popullin dhe drejtuar atë në këtë lëvizje.”, – tha Kryemadhi. /CNA.al





Lajmet e fundit nga