web counter
LEXO PA REKLAMA!

SHKARKO APP

App Store
Google Play

Qendrimi zyrtar i qeverisë greke për emrin e ri të Maqedonisë

29 Janar 2018, 19:31, Aktualitet CNA

Ndërmjetësuesi i OKB-së për çështjen e emrit, Metju Nimic, filloi sot vizitën e tij zyrtare në Athinë, e cila zhvillohet në kuadër të negociatave ripërtrirëse mes Greqisë dhe Maqedonisë për zgjidhjen e konstestit të emrit. Nimic do të informohet rreth përpjekjeve të Qeverisë greke për të arritur pajtueshmëri me aktorët politik në vend në lidhje me mënyrën e zgjidhjes së kontestit.

Pas vizitës dy ditore në Athinë, Nimic do të udhëtojë në Shkup, më 31 janar dhe 1 shkurt, ku do të takohet me kreun shtetëror. Në këto takime, ai do të informohet për konkludimet e mbledhjes koordinative të krerëve politik shtetëror në Shkup.

Nimic viziton dy vendet pas takimit të parë të kryeministrave Aleksis Cipras dhe Zoran Zaev javën e kaluar në Davos. Cipras dhe Zaev gjatë këtij takimi u dakorduan që të bëjnë lëshime.

Ndërkohë, sipas portalit “Shenja” presidenti grek Prokopis Pavlomulos, ka deklaruar sot se Maqedonia do të duhet të bëjë ndryshime kushtetuese, pasi që irredentizmi është në kundërshtim jo vetëm me të drejtën ndërkombëtare por edhe me legjislacionin evropian.

 Nga ana tjetër, citon “Shenja”: zëdhënësi i Qeverisë greke, Dimitris Canakopullos po sot ka thënë se ka përafrim të pozitave të qeverisë me një pjesë të partive greke dhe se marrëveshja eventuale për emrin do të votohet në Kuvendin grek.

?Në negociata vijmë me pozitën nacionale, përkatësisht emër i përbërë me përcaktim kohor apo gjeografik, tërheqjen e pozitave dhe qëndrimeve irredentiste të vendit fqinj. Përderisa në bazë të kësaj arrihet marrëveshje, jam tërësisht i sigurt që nuk do të kemi vetëm shumicë parlamentare, por do të kemi shumicë të gjërë parlamentare?.

Sipas tij, përfundimi politik i takimeve të kryeministrit grek me partitë politike është se po krijohet përafrim i pozitave të më shumë partive politike, me përjashtim të partisë Lidhja e Qendrës. /CNA.al





Lajmet e fundit nga