web counter
LEXO PA REKLAMA!

SHKARKO APP

App Store
Google Play

Historiani publikon dokumentin/ Si u ridënua Uran Kosteci pse pa shtrembër foton e diktatorit

29 Janar 2018, 18:59, Aktualitet CNA

Historiani Kastriot Dervishi, ka vijuar me publikimet e dokumenteve të kohës së komunizmit.

Me anë të një postimi në rrjetet sociale, Dervishi ka publikuar një dokument i cili vërteton sesi Uran Kosteci, u ridënua se shikoi “shtrembër” fotografinë e diktatorit Enver Hoxha.

“Uran Kostreci dhe ridënimi se shikoi ?shtrembër? fotografinë e diktatorit

Data e sotme është 80-vjetori i lindjes së një prej qëndrestarëve të burgjeve komuniste, Uran Kostrecit. Është një prej rasteve të rralla në Lindjen komuniste sepse është ridënuar duke vuajtur dënimin me 8 vjet burgim sepse shikoi pa simpati fotografinë e diktatorit në zyrën e komandantit të burgut të Burrelit.”, – shkruan Dervishi.

Më tej historiani shprehet se, “Uran Kostreci u orvat të arratisej nëpërmjet liqenit të Pogradecit, por u arrestua më 5.8.1961 dhe u dënua me 15 vjet burgim. Gjatë vuajtjes së dënimit në kampin nr.303 Elbasan, më 9.5.1965, u qëllua për t?u vrarë nga tre vendroje.
Më 13.6.1973, pasi refuzoi ushqimin, u denoncua nga komandanti i burgut të Burrelit, Hajri Leskaj, se kishte parë ?shtrembër? fotografinë e diktatorit. Në vendimin e gjykatës që e ridënoi me 8 vjet të tjera burgim, ndër të tjera thuhet:
?Vërtetohet se në këtë moment i pandehuri kishte drejtuar nga fotografia e shokut Enver. Mirëpo ky shikim, i kishte bërë përshtypje të dëmtuarit Hajri dhe iu drejtua me pyetje të pandehurit që pse e shikonte me vërejtje apo nuk i pëlqente?.
Uran Kostreci u lirua nga burgu i Burrelit më 13.6.1981, pasi vuajti gati 20 vjet heqjen e lirisë.” /CNA.al





Lajmet e fundit nga