E fundit!

12:01 Aktualitet

“Jam një i vdekur që ecën”/ Zbardhet dëshmia e Pëllumb Gjokës në GJKKO për dosjen “Metamorfoza”

Këtë të enjte ka dëshmuar në Gjykatën e Posaçme një nga sh...

Spanja “trampolinë” për klandestinët shqiptarë drejt Anglisë madje dhe Kanadasë

29 Janar 2018, 16:35, Aktualitet CNA

Klandestinët dhe azilkërkuesit shqiptarë krahas destinacioneve tradicionale (Gjermani, Francë, Angli, Belgjikë, Holandë, Suedi etj.), po u mësyjnë edhe destinacioneve ekzotike si Islandë, Irlandë madje edhe Kanada.

Portet spanjolle tashmë janë shndërrua në trampolinë për klandestinët shqiptarë, që synojnë Anglinë. E reja në këtë drejtim është, që Porti Vigo i specializuar në transportet me kontejnerë po shndërrohet në portin nëpërmjet, të cilit shqiptarët duke rrezikuar jetën shkojnë klnadestinë në Kanada. Bashkëatdhetarët tanë futen në kontejnerë të ndryshëm me shpresën, që këto kontejnerë kanë për destinacion Kanadanë, mundësisht edhe SHBA-në. Një udhëtim i tillë është jashtëzakonisht i rrezikshëm, sepse vetëm kalimi nga njeri breg i Atlantikut në tjetrin zgjat 2 javë. Shtoji këtij 2 javëshi edhe ditët e përpunimit të anijes në port (apo pritjes jashtë në radhë) dhe minimumi për shqiptarët e ngratë është 16-17 ditë udhëtim të mbyllur në kontejner pa dritë, me pak ajër dhe vetëm me ushqimin e ujin e marrë me vete. Imagjinoni të jesh i mbyllur në një hapësirë 12 metra të gjatë me 2,5 metra të gjerë dhe 2,3 metra të lartë, ku për mbi dy javë do të hash, pish e flesh e do kryesh edhe nevojat personale!

Media spanjolle ?Faro de Vigos.es? vëren se pas kapjes në Portin Vigo të 12 klandestinëve shqiptarë, që përpiqeshin të futeshin në kontejnerë me destinacion Kanadanë, drejtoria e portit ka vendosur të ndërtojë gardhe dhe mure si në terminalin e kontejnerëve (Guixar) edhe në terminalin e automjeteve (Bouzas). Roja Civile (policia) spanjolle ndruhet se në të tilla orvatje tejet të rrezikshme klandestinët shqiptarë mund të humbin edhe jetën. Ishte ndërhyrja e autoriteteve spanjolle, që në fillim të janarit 2018 shpëtoi jetën 6 klandestinëve shqiptarë, në Terminalin Termavi po në Portin Vigo.

Autoritetet spanjolle mendojnë se krahas klandestinëve shqiptarë, që synojnë Amerikën të shtyrë nga mjerimi në Atdheun e tyre, mund të ketë edhe terroristë, që kanë si objektiv mbërritjen në territorin amerikan. Bandat e organizuara kriminale shqiptare nuk kanë skrupuj dhe kundrejt pagesës nuk kanë problem që ?shërbimet? e tyre t?i vënë në dispozicion edhe të terroristëve. Për spanjollët ka shumë mundësi, që klandestinët shqiptarë, apo edhe operativë të organizatave terroriste të përdorin tragetet e tipit RO-RO të kompanive ?Hoegh Autoliners? dhe ?Walleniuis Wilhelmsen Logistics? (WWL), për të mbërritur ilegalisht dhe për të depërtuar në portet e SHBA-së. /GJERGJ THANASI/CNA.al