web counter
LEXO PA REKLAMA!

SHKARKO APP

App Store
Google Play

Ekstradimi i "financierit" të Habiljave në Itali/ Reagon Ministria e Drejtësisë

29 Janar 2018, 18:25, Aktualitet CNA

Pas ekstradimit të Nezar Seitajt, në Itali, i cili ishte i vetmi i arrestuar i dosjes “Habilaj” në Shqipëri, ka reaguar edhe Ministria e Drejtësisë.

Me anë të një postimi në rrjetet sociale, ministrja e Drejtësisë, Etilda Gjonaj, shkruan se ekstradimi erdhi pas kërkesës së autoriteteve italiane, dhe është bërë konform rregullave ligjore.

Postimi i plotë i ministres Gjonaj:

Nezar Seitaj u ekstradua ne Itali, ne zbatim te vendimeve te gjykatave shqiptare dhe kerkeses per ekstradim nga Ministria e Drejtesise italiane, konform ligjeve dhe akteve nderkombetare.

Ai sot eshte ne duart e prokurorise italiane. Por opozita vijon te konsumoje perdite energji per nje alarm fals, duke e trajtuar rastin sikur i pandehuri u arratis apo u la i lire dhe jo qe iu dorezua pikerisht drejtesise italiane.

Organet e akuzes shqiptare nuk i pengon asgje, perkundrazi kane te gjitha mjetet ligjore te parashikuara per te bashkepunuar me ato italiane me qellim per te marre dhe per te perfituar cdo informacion qe do t’ju nevojitet per efekt hetimi.

Cdo veprim ndryshe nga ekstradimi do te perkthehej dhe nga shteti italian si mungese vullneti per te bashkepunuar ne luften kunder krimit te organizuar.

Jam e bindur se nese nuk do te ishte ekstraduar, kjo opozite kaq haptaz e trembur prej reformes ne drejtesi, do te thoshte ?nuk i?a dorezuan antimafias italiane, po e mbajne ketu per ta mbrojtur me duart e kapura te drejtesise?…

Keshtu qe ne pamundesine per te gjetur se cila do te ishte zgjidhja me e mire per nje opozite qe tenton te manipuloje edhe atehere kur nuk ka, ne thjesht na mbetet te shpjegojme me durim permes fjaleve dhe tregojme me kembengulje permes veprave, se ligjshmeria eshte busulla e vetme qe orienton vendimmarrjen tone. /CNA.al





Lajmet e fundit nga