web counter
LEXO PA REKLAMA!

SHKARKO APP

App Store
Google Play

Çifti presidencial, Meta-Kryemadhi, nxjerr në shitje kompaninë e mermerit të Tomorrit

29 Janar 2018, 19:45, Aktualitet CNA

Pasi muaj më parë, nga pasuritë e tyre të paluajtëshme shitën tre shtëpi, duke siguruar prej tyre mbi gjysëm milioni euro, sakaq çifti presidencial Meta-Kryemadhi ka nxjerrë në shitje një tjetër pronë të paluajtëshme. Më saktë një biznes në funksion.

Fjala është për atë të nxjerrjes dhe tregtimit të pllakave të malit të shenjtë të Tomorrit, një bisnes ky që i ka shkaktuar dhe vijon ti hap plagë të pariparueshme florës e faunës së zonës.

Lajmin e sjell “Pamfleti.com”, sipas të cilit:” Ilir Meta dhe Monika Kryemadhi kanë vendosur të nxjerrin në shitje të tjera pasuri, pasi kanë frikë se ata që i kanë formalisht në ?pronësi? nuk do të durojnë presionin e Prokurorisë dhe mund të tregojnë dhe pronësinë e vërtetë. Por dhe për shkak të humbjeve që mund të shkaktojë vendimi i qeverisë dhe kërcënimi i ministrit Blendi Klosi për bllokimin e kompanive që po shkatërrojnë natyrën e malin e Tomorrit”.

Një dëm që përllogaritet në 2 miliardë dollarë pasi prish të gjitha kontratat me Greqinë, Rumaninë, Malin e Zi, Kroacinë dhe vetë Shqipërinë.
“Në këto kushte, vijon “Pamfleti”:  Meta dhe Kryemadhi kanë nxjerrë në shitje kompaninë e mermerit që ushtron aktivitetin në Malin e Tomorit dhe në të gjithë këtë perlë turistike duke e shkatërruar tërësisht.  Një kompani që është formalisht në pronësi me emrin e Muharrem Berishës, por që tashmë është nxjerrë në shitje. Deri më tani kanë shfaqur interes disa biznesmenë grekë që pretendojnë se me normalizimin e marrëdhënieve Shqipëri-Greqi, biznesi i tyre do të ketë lehtësira…”.

 





Lajmet e fundit nga