web counter
LEXO PA REKLAMA!

SHKARKO APP

App Store
Google Play

Asgjë nuk e justifikon votën e Shqipërisë në OKB

22 Dhjetor 2017, 13:22, Aktualitet CNA

Në lidhje me votimin e Shqipërisë dje në OKB, kundër SHBA për statusin e Jeruzalemit ka reaguar edhe kryetari i LIBRA-s, Ben Blushi.

Në një postim në rrjetet sociale, Blushi shkruan se asgjë nuk e justifikon votën e Shqipërisë dje në OKB.

Sipas Blushit, vota kundër SHBA i vlen më shumë Turqisë se Shqipërisë dhe kjo është edhe më e rëndë më e shëmtuar dhe shumë më e padrejtë.

Gjithashtu Blushi thotë se kjo që ka bërë Shqipëria është njëlloj sikur të votonim një rezolutë sipas të cilës SHBA duhet ta mbajnë ambasadën e Kosovës në Beograd.

Postimi i Blushit: 

PËR VOTIMIN E SHQIPËRISË NË OKB

Asgjë nuk e justifikon votën e djeshme të Shqip?ris? n? OKB. As raporti me Evropën, as raporti me SHBA, as raporti me historinë dhe as raporti me të drejtën. Duke mos qenë as strategjike dhe as parimore vota kundër SHBA i vlen më shumë Turqisë se Shqipërisë dhe kjo është edhe më e rëndë më e shëmtuar dhe shumë më e padrejtë. Ne kemi votuar një rezolutë kundër SHBA pa asnjë shkak real dhe pa asnjë arsye serioze. Për të gjithë ata që duan të fshihen pas historisë së votimeve në OKB kam një pyetje. Në fund të fundit për cfarë kemi votuar? Që një vend sovran, në këtë rast SHBA nuk duhet të ketë të drejtë ta zhvendosë ambasadën nga Tel Avivi në Jerusalem. Kush jemi ne që detyrojmë një shtet tjetër, se në cilin vend të një shteti tjetër duhet ta mbajë ambasadën e vet? Kjo që kemi bërë është njëlloj sikur të votonim një rezolutë sipas të cilës SHBA duhet ta mbajnë ambasadën e Kosovës në Beograd. Një shtet levantin, do thoshte Faik Konica./ CityNews





Lajmet e fundit nga