Libri që çdo student duhet të lexojë në 2018-n

22 Dhjetor 2017, 13:06, Aktualitet CNA

Profesorët e Universitetit të Harvardit vazhdimisht lexojnë dhe caktojnë tekste për studentët e tyre. Duke pasur parasysh këtë, ?Business Insider? u kërkoi profesorëve të Harvardit të tregojnë titullin e librit të vetëm që mendojnë se çdo student duhet të lexojë në vitin 2018.

Profesorët përfshinë laureatët e çmimit Nobel, shkencëtarët, ekonomistët dhe fituesit e Çmimit Pulitzer. Librat që ata zgjodhën ishin po aq të ndryshëm sa edhe përvojat e tyre profesionale.

Ja propozimet e profesorëve të Harvardit se çfarë duhet të lexoni vitin e ardhshëm?

Ky është propozimi i njërës nga profesoreshat e këtij Universitetit.

?Unë jam duke rilexuar Anna Karenina. Nuk ka roman më të mirë, i cili tregon sesi janë injoruar gratë, janë shtypur dhe kanë pak mbështetje ligjore, (dhe nuk e kam fjalën vetëm për Anna-n) ? për ato nga elita, për gratë inteligjente, të arsimuara. Ata e mbajnë shoqërinë të bashkuar dhe sigurojnë shpëtimin edhe kur priftërinjtë marrin meritat?, ka thënë Claudia Goldin, historiane e ekonomisë autore e ?Women Working Longer: Increased Employment at Older Ages?.

Ajo gjithashtu ka thënë se ky roman është relevant edhe sot si në ditën kur është shkruar.

Kurse Steven Pinker, profesor i Psikologjisë në Universitetin e Harvardit, dhe autori i dhjetë librave ka propozuar librin ?Internacionalistët? nga Oona Hathaway dhe Scott Shapiro. Ai tregon se ky libër është i pasur me dëshmi dhe paraqet një vizion gjithëpërfshirës të skenës ndërkombëtare, duke kapur shumë zhvillime në lajmet dhe kohët e fundit histori.

Stephen Greenblatt, profesor i anglishtes, fitues i çmimit Pulitzer dhe autor i ?The Rise and Fall of Adam and Eve?, ka thënë që sugjeron librin e Bryan Stevenson ?Just Mercy?.

?Teoria e Ndjenjave Morale? nga Adam Smith është libri që sugjeron ekonomisti Eric Maskin, fitues i çmimit Nobel në vitin 2007, dhe autor i ?Theorem Arrow Impossibility?. Ai thotë se ky libër paraqet një pamje shumë më të pasur dhe të nuancuar të natyrës njerëzore krahasuar me pasardhësit e tjerë të famshëm.

EJ Corey, kimist organik, laureat i çmimit Nobel nw 1990-n dhe autor i librit ?Molekulat dhe Mjekësia?./CityNews