web counter
LEXO PA REKLAMA!

SHKARKO APP

App Store
Google Play

Tjetër tradhëti e LSI-së dhe Kryemadhit ndaj PD-së

22 Dhjetor 2017, 11:25, Aktualitet CNA

Dje në mesditë, CityNews raportoi se ndërkohë që kërcënonte me vdekje Edi Ramën, kryetarja e LSI-së, Monika Kryemadhi kishte urdhëruar një tjetër këshilltare të saj të shkonte të plotësonte kuorumin e nevojshëm në mbështetje të Lali Erit në Këshillin Bashkiak të Tiranës.

Po dje ka ndodhur tradhëtia tjetër e LSI-së dhe Monika Kryemadhit, dhe ndodhi në Korçë. Në mbledhjen e Këshillit Bashkiak të këtij qyteti janë paraqitur 6 këshilltarë të LSI-së, 4 prej të cilëve kanë votuar pro buxhetit të paraqitur nga kryetari i Bashkisë, Sotiraq Filo.

Burimet i thanë CityNews se këshilltarët e LSI-së ishin të gatshëm të kalonin te PS-ja, por mesa duket këtë ?nder? të ofruar falas e ka refuzuar kryebashkiaku i cili është mjaftuar me votën e tyre.

LSI-ja është në front opozitar me PD-në, por në Bashkinë e Tiranës, LSI-ja është në pushtet me Veliajn, edhe në Bashkinë e Korçës, partia e Ilirit dhe Monikës është në pushtet. Ndoshta në opozitë LSI-ja është aty ku nuk e futin në tepsi.

Dje Monika Kryemadhi kërcënonte me vdekje Edi Ramën, ndërkohë këshilltarët e saj në Tiranë dhe në Korçë i kishte urdhëruar të shkonin dhe të votonin në mbështetje të kryebashkiakëve socialistë./ CityNews





Lajmet e fundit nga