web counter
LEXO PA REKLAMA!

SHKARKO APP

App Store
Google Play

E fundit!

x

Furtunë në dogana/ Të gjithë punonjësit në testim

22 Dhjetor 2017, 09:40, Aktualitet CNA

Pas inspektorateve, furtuna e shkarkimeve ka zbritur në dogana.

Qeveria ka vendosur që të fusë në testim të gjithë punonjësit e doganave në Republikën e Shqipërisë.

Departamenti i Administratës Publike përmes një njoftimi të publikuar në faqen zyrtare, ka bërë të ditura detajet e testimit. Sipas DAP, testimi me shkrim do të zhvillohet në datat 8 dhe 9 Janar 2018, ndërsa vendi dhe ora e zhvillimit të testimit me shkrim do të publikohen në ditët në vijim. Madje, DAP njofton se testimi do të përmbajë pyetje teorike, si dhe ushtrime praktike. ?Bazuar në ligjin nr. 152/2013, ?Për nëpunësin civil?, i ndryshuar dhe në Vendimin nr. 1037, datë 16/12/2015 të Këshillit të Ministrave, ?Për procedurat e vlerësimit të nëpunësve civilë, për përfitimin dhe përditësimin e njohurive shtesë?, Departamenti i Administratës Publike do të fillojë testimin për të vlerësuar përfitimin dhe përditësimin e njohurive shtesë, për nëpunësit civilë të administratës doganore.

Testimi për vlerësimin periodik për përfitimin dhe përditësimin e njohurive shtesë do të bazohet në njohuritë mbi ndryshimet e ndodhura në legjislacionin doganor. Testimi do të përmbajë: Pyetje teorike; Ushtrime (çështje) praktike. Testimi me shkrim do të zhvillohet në datat 8 dhe 9 Janar 2018. Vendi dhe ora e zhvillimit të testimit me shkrim do të publikohen në ditët në vijim?, thuhet në njoftim./ CityNews





Lajmet e fundit nga