web counter
LEXO PA REKLAMA!

SHKARKO APP

App Store
Google Play

Çifti me sindromën Down shpjegojnë si është dashuria për ta

22 Dhjetor 2017, 12:06, Aktualitet CNA

Morgan dhe Xhoi janë një çift të rinjsh me sindromën Down që po përjetojnë për herë të parë ndjenjën e dashurisë. Në një intervistë për “Special Books by special kids”, Morgan dhe Xhoi shpjegojnë çfarë pëlqejnë tek njëri-tjetri dhe se çfarë do të thotë dashuria për ta.

Para intervistës Morgan kujdeset për të dashurën duke i rregulluar flokët që ajo të dalë sa më bukur në kamera. “Do e duash gjithmonë Morgan?”, e pyet intervistuesi. “Po. Dhe zemrën e tij”, përgjigjet Xhoi ndërsa Morgan gëzohet dhe fillon qesh.

“Më pëlqen shumë kur Morgan më thërret gruaja e tij”, shprehet Xhoi. “Ja pse të dua. Ti më kupton”, thotë Morgan ndërsa Xhoi e përqafon teksa thotë se ai është i dashuri i saj.

“Çfarë e bën atë të bukur”, pyet intervistuesi Morganin. “Ajo është femër. Më pëlqen fustani i saj dhe lëkura e saj. Dhe këmbët e saj”, i përgjigjet Morgan.

“Kur babi të ma rregullojë telefonin, do i jap atij një telefon dhe do i shkruaj mesazh. Do e telefonoj sepse do e ftoj të dalim”, thotë Xhoi teksa Morgan e sheh me adhurim.

Të pyetur se çfarë do të thotë dashuria për ta, çifti me sindromën Down përgjigjen: “Dashuria është të kapesh për dore dhe të puthesh./CityNews





Lajmet e fundit nga