E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Vota e Shqipërisë kundër SHBA/ Spartak Ngjela zbulon arsyen

22 Dhjetor 2017, 11:48, Aktualitet CNA

Pas votës së Shqipërisë në OKB, kundër SHBA-ve mbi njohjen e Jerusalemit si kryeqytet i Izraelit, ka reaguar edhe avokati Spartak Ngjela, i cili ka shpërthyer me akuza kundër kryeministrit Rama dhe mazhorancës.

Në një postim në rrjetet sociale, Ngjela ka dhënë një shpjegim për votën kundër SHBA, që siç thotë ai lidhet me frikën nga forca që po tregon politika amerikane në Tiranë, dhe kërkon të nxisë politikën amerikane që ajo të mos angazhohet në çështjen e pastrimit të amoralitetit shqiptar.

Ngjela e cilëson Ramën me epitete të ndryshme ofenduese dhe thotë se i duhet një avokat.

Postimi i plotë i Ngjelës:

Si mund të shpjegohet vota shqiptare kundër Shteteve të Bashkuara të Amerikës në OKB?

Nëse kjo ka qënë një skemë që t’i japë mundësi kundërshtarëve të presidentit Trump të krijojnë retorikë të re kundër presidentit amerikan brenda Amerikës, as që mund të mendohet që intelekti i vobegtë i Edi Ramës të ketë hyrë në këtë lojë kaq të hollë.

Jo. Është një diçka krejt tjetër qëllimi Rama.
Le ta shohim.

I. Zotërinj; keni në krye një kryeministër që nuk ka as gjykimin e një katërmbëdhjetë vjeçari.
Është i trembur nga forca që po tregon politika amerikane në Tiranë, dhe kërkon të nxisë politikën amerikane që ajo të mos angazhohet në çështjen e pastrimi të amoralitetit shqiptar.

Po ku dallon frika e Saliut dhe taborit të tij të korruptuar, nga frika e Ramës?

E keni parë Saliun që është kundër Amerikës dhe s’ thotë dot asnjë fjalë kundër saj po merret me ambasadorin amerikan në Tiranë? Eshtë fëminore kjo, natyrisht.

Kurse Rama nuk mund të kundërshtojë, por me frikën a tij, pret tinëzisht që herë-herë të veprojë njëlloj si Saliu.

ll.Në fakt Rama është një trutharë njëlloj si Enver Hoxha. Se metodat e tij po përdor.
Po ku mbush ky pafille! Pse Amerika është në aleancë me Tiranën politike për një akt human?

O injorant, që nuk kupton dot asgjë!
Amerika ka interesa jetike në Shqipëri, dhe as që pyet fare për ty, se ka 97 përqind të shqiptarëve me vete.

Gjithsesi, ul kokën, o i mjerë, dhe prite fatin tënd me qetësi se të vjen ashtu siç vetë e ke kërkuar.

Nuk mund të ketë asnjë justifikim tjetër vota kundër Amerikës në OKB, veç kërkesës për shpëtim të Ramës dhe grupit të tij, sa injorant aq dhe i korruptuar.

Por kot e ka. Asnjë tërheqje nuk do të ketë politika amerikane në Tiranë kundër korrupsionit malinj që sundon mbi djersën, varfërinë dhe ndershmërinë e popullit shqiptar.
Fakti historik i palëkundur është ky: interesi amerikan për Ballkanin Perëndimor arrihet vetëm me një Shqipëri të fortë dhe një botë shqiptare këtu, në aleancë me Amerikën.

Amerika kërkon një Shqipëri dhe Kosovë të fortë në këtë zonë: dhe do ta bëjë.

lll. Pse nuk ia di politika amerikane hallin Edi Ramës?
Asgjë… vaji i kandilit korruptiv në Tiranë është në fund: shumë shpejt, të gjithë “pronarët e mëdhenj” politikanë, majtas e djathtas, do jënë në kllapat e rënda të ligjeve antikorupsion.
Halli i Ramës dhe halli i Saliu dhe i ministrave të tij që bënin si të çakallisur të hënën, është i njëjtë. Por frika e secilit prej tyre, është veçmas e ndryshme, sipas psikikës individuale.

IV. Mos u mërzisni, o të mjerë! se nuk do t’ju ndodhë ndonjë gjë e madhe: jeni të varfër me para e me prona që nuk janë tuajat, dhe do ktheheni në një gjendje normale, siç keni qenë – të varfër pa para.
Për dënimin penal pastaj, ju duhet avokat dhe jo politikë./ CityNews