E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Problemi nuk është Saimir Tahiri

17 Tetor 2017, 13:04, Aktualitet CNA

Në 24 orët e fundit lajmi kryesor në vend është arrestimi i një grupi kriminal në Vlorë, i akuzuar për trafik droge. Grup i akuzuar nga opozita për lidhje të afërta me ish-ministrin e Brendshëm Saimir Tahiri.

Ka pasur shumë debate, akuza të ndërsjella midis PD-së dhe vetë Tahirit, i cili në qëndrimet e tij publike ka thënë se të afërmit e tij të përfshirë në trafik droge do të mbajnë përgjegjësi ligjore, nga ana tjetër opozita e ka akuzuar Tahirin se i ka dhënë makinën e tij të afërmve të cilët e kanë përdorur për trafik droge mjetin në pronësi të ish-ministrit të Brendshëm.

Por dy ditët e fundit, ai lumë akuzash për ish-ministrin e Brendshëm, pas arrestimit të Moisi Habilaj në Itali, i cili akuzohet se qëndron në krye të një grupi trafikantësh droge, Tahiri në çdo rast duhet të mbajë përgjgjësinë e tij ligjore në lidhje me akuzat e ngritura ndaj tij, por problemi nuk fillon dhe mbaron vetëm te Saimiri, jo për të mbrojtur dhe për të shpëtuar një ish-ministër, por për të parë realitetin me sy. A mundet një ministër i vetëm ta kanabizojë të gjithë vendin, ndërkohë që kryeministri e mbron pafundësisht? A mundet një ministër i vetëm të zhvillojë trafik ndërkombëtar droge, pa dijeninë e kryeministrit, këtu pa lënë mënjëanë institucionet ligjzbatuese të cilat raportojnë direkt tek kryeministri?

Prandaj çështja nuk fillon dhe nuk mbaron te Saimir Tahiri.

Çështja fillon tek krimi dhe përfundon tek kryeministri. Hallkat e ndërmjetme janë policia dhe Ministria e Brendshme.

Lulzim Basha sot kërkoi arrestimin e Saimir Tahirit, në fakt PD nga sot duhej të kishte paralajmëruar protestën e saj përpara kryeministrisë, duhej të kërkontë dorëheqjen e Edi Ramës dhe kush mendon se përgjgjësi i vetëm është Saimir Tahiri ose është profan në politikë ose është aleat i Ramës.

Basha sot përgjegjësinë e la tek Tahiri, Ramën e shpëtoi nga akuzat.

Ndërkohë opozita duhej ti ngrinte lumë qytetarët për drogën apo dhe vendosjen e taksës në biznesin e vogël, por Lulzim Basha nuk e bën këtë. Ai u mjaftua me kërkesën ndaj mikut të tij Edi Rama për ta çuar para drejtësisë Saimir Tahirin.

Në fakt problem nuk është vetëm Saimir Tahiri, problem është kryeministri./ CityNews