web counter
LEXO PA REKLAMA!

SHKARKO APP

App Store
Google Play

E fundit!

x

Debatet në Komisionin e Integrimit/ PD kërkon masë disiplinore ndaj Bushatit

17 Tetor 2017, 11:25, Aktualitet CNA

Mbledhja e Komisionit parlamentar të Integrimit paraditen e sotme është shoqëruar me debate të forta mes përfaqësuesve të mazhorancës dhe opozitës.

Pas përfundimit të kësaj mbledhje, anëtarët e PD kanë shpërndarë për mediat një njoftim, me anë të të cilit bëhet e ditur se do të kërkojnë që të merret masë disiplinore ndaj ministrit të Jashtëm, Ditmir Bushati.

Deklarata e plotë:

Ne, anëtarët e Komisionit të Integrimit Europian, të skandalizuar nga sjellja dhe gjuha rrugaçërore e zotit Ditmir Bushati, Ministër për EPJ gjatë dëgjesës së tij  para Komisionit, sot, e martë, 17 tetor  2017, shprehemi si me poshte vijon:

Pas një fjalimi tërësisht të politizuar dhe në mënyrë të paprovokuar, Bushati në mungesë të argumentave dhe si pasojë e dështimit të axhendës integruese, në mbrojtje të vetvetes zgjodhi të ofendojë personalisht kryetarin e komisionit, z.Genc Pollo, dhe vijoi të përgojonte dhe deputetë të tjerë të opozitës .

Ne, anëtarët e Komisioinit për Integrimin Europian, e dënojmë këtë akt  jo vetëm si shprehje të sjelljes personale,por edhe institucionale të Ditmir Bushatit.y akt është i papranueshëm dhe i dënueshëm. Ne, anëtarët e Komisionit refuzojmë të pranojmë nga Bushati apo çdo person tjetër i thirrur në dëgjesë, përfshi  dhe anëtarët e qeverisë një sjellje të tillë, e cila   nuk do të tolerohet më në Komisionin tonë.  Ne do ndjekim procedurat e Rregullores së Kuvendit që të merret masë disiplinore ndaj deputetit Bushati.

Kejdi Mehmetaj

Aldo Bumçi

Grida Duma

Vangjel Dule

Jorida Tabaku

Viktor Tushaj

Genc Pollo/ CityNews





Lajmet e fundit nga