web counter
LEXO PA REKLAMA!

SHKARKO APP

App Store
Google Play

E fundit!

x

Mediat italiane: Kushëriri i Sajmir Tahirit në krye të biznesit të drogës/ 30 mije euro për një ngarkesë

17 Tetor 2017, 09:39, Aktualitet CNA

Paraditen e sotme, mediat italiane kanë publikuar të tjera detaje tronditëse në lidhje me arrestimin e djeshëm të Mosi Habilaj dhe lidhjet e tij me ish-ministrin e Brendshëm Sajmir Tahiri.

E përditshmja italiane ?Meridionews? shkruan sot se biznesi i drogës nga Shqipëria drejt Katanias në Itali drejtohej nga kushëriri i ish-ministrit socialist Saimir Tahiri i dyshuar se fshihte biznesin e klaneve që trafikonin marijuanë nga Ballkani.

Mediat italiane shkruajnë se Moisi Habilaj, kushëriri i Saimir Tahirit,  ?në Siçili ishte ura kryesore lidhëse me trafikantët e mëdhenj të drogës të cilët mund të blenin me para në dorë qindra kilogramë marijuanë për ta shitur më pas në tregjet e drogës në Katania, Sirakuza e Raguza.?

Gjithashtu sipas mediave italiane, në Shipëri nuk është hetuar kurrë për Habilaj edhe pse ka pasur shumë dyshime,  por është fotografuar shumë herë me kreun e policisë kufitare në qytezën bregdetare të Dhërmiut.

?Moisi Habilekaj udhëtonte vazhdimisht nga Shqipëria drejt Siçilisë duke kaluar përmes Puglias për të dakortësuar shitjen e drogës e për të kërkuar vendet e përshtatshme për ankorimin e anijeve me drogë dhe ato të destinuara për ruajtjen e lëndës narkotike.?- shprehen mediat italiane.

Gjithashtu thuhet se italiani Antonino Riela, është pika e referimit të Habilaj në Siçili në blerjen e drogës nga Shqipëria.

Sipas medias italiane në nëntor të 2013 investiguesit italianë kanë monitoruar një takim mes Antonino Riela e vëllait të Moisi Habilaisj, Florian Habilaj.

Takimi u bë në lagjen San Giorgio e Riela i kishte dhënë Florian Habilaj 30 mijë euro për një ngarkesë droge të humbur.

Ndër të tjera thuhet se qëllimi ishte rinisja e aktivitetit të trafikimit pas sekuestrimit të rreth 1650 kg marijuanë që u ishte sekuestruar një muaj më parë në tetor të 2013 në brigjet pranë portit të Augusteas në Siçili.

Gjithashtu mbi këtë sekuestrim e humbje të sasisë së drogës, në përgjimet ambientale të policisë italiane, Florian Habilaj, vëllai i Moisi Habilaj, mësohet se ka bërë deklarata kërcënuese duke thënë se ?po të kishte një kallashnikov do t?i kishte vrarë të gjithë bam bam bam.?mediat italiane habilaj

Ndër të tjera mediat italiane tregojnë të tjera fakte tronditëse për policinë shqiptare, të cilat referuar përgjimeve të Moisi Habilekaj shprehen se gjatë një bisede me pronarin e një karburanti në komunën Lentini, Habilaj thotë se: ?Nëse vjen në Shqipëri do ta kuptosh se policia është e korruptuar madje ka raste që është vetë kreu i policisë që ndihmon për të ngarkuar thasët me drogë? thotë ai.

Bandës italo-shqiptare iu sekuestruan disa herë ngarkesa droge në Itali si 289 kg marijuanë të kapura nga autoritetet italiane në Palagonia, 900 kg në portin Risposto apo dhe një furgon plot me marijuanë i sekuestruar në qëndrën tregtare ?Porte di Catania?.

Pas këtyre sekuestrimeve Moisi Habilaj nis bisedimet me anëtarët e bandës për të planifikuar transportimin e ngrakesave të tjera të drogës nga Shqipëria.

Mediat italiane shkruajnë se në një nga këto takime, Habilaj ka deklaruar se ?30 mijë euro i duhet t?ia japë Saimirit.

Mediat italiane shkruajnë edhe në lidhje me makinën e shumëpërfolur të ish-ministrit Tahiri, për të cilën më parë ishte akuzuar se ja kishte shitur një trafikanti.

Mediat italiane shkruajnë se Habilaj së bashku me një bashkëpunëtor Sabi Çelaj, mbërriti në Sicili në bordin e Audit, I cili ishte zyrtarisht ende në pronësi të ministrit./ CityNews

http://catania.meridionews.it/articolo/59693/il-business-della-droga-dallalbania-a-catania-al-vertice-il-cugino-dellex-ministro-albanese





Lajmet e fundit nga