E fundit!

12:34 Aktualitet

Dita e Ashures/ Mesazhi i Baba Mondit: Lutjet tona shkojnë për ata që vuajnë nga luftërat

Besimtarët bektashinj kanë kremtuar sot Ditën e Ashures, n...

Basha: Skandali historik me krimin/ Të arrestohet Sajmir Tahiri

17 Tetor 2017, 07:20, Aktualitet CNA

Në një konferencë për mediat mëngjesin e sotëm, kryetari i Partisë Demokratike, Lulzim Basha ka hedhur akuza të forta ndaj ish-ministrit të Brendshëm Sajmir Tahiri dhe kryeministrit Rama, për lidhjet sipas tij me bandat kriminale.

Në lidhje me arrestimin e Moisi Habilajt, Basha është shprehur se ky është një skandal me përmasa historike përsa I përket krimit të organizuar në Shqipëri dhe lidhjet e tij me shtetin.

?Dje policia italiane arrestoi Moisi Habilaj, kreu i një prej bandave më të rrezikshme kriminale. Habilaj njihet po kështu edhe si kushëriri i Sajmir Tahirit, i cili ishte 4 vite ministër i Brendshëm. PD ka denoncuar 1400 herë lidhjet e Tahirit me narkotrafikun përmes Habilajt, por është marrë në mbrojtje po 1400 herë nga Edi Rama.?- u shpreh Basha.

Sipas Bashës, Edi Rama ka marrë në mbrojtje Tahirin dhe nuk ka ndërmarrë hapat e duhur ligjorë edhe në rastet kur është provuar lidhja e tij me krimin.

?Është çështje orësh apo ditësh para se faktet për përgjegjësinë e tij direkte do të bëhen publike, ne e dimë që prej kohësh ato janë në dispozicion të Edi Ramës. Çfarë pret Edi Rama ti vërë prangat Sajmir Tahirit, si një nga kapitenët kryesorë të trafikut të drogës. Nuk pres përgjigje nga Rama, sepse ai e ka mbrojtur këto katër vite edhe pse e dinte që është mburojë i drejtpërdrejtë i krimit të organizuar dhe Habilajt?- tha Basha.

Sipas Bashës, Rama e ka mbrojtur sepse paratë e drogës janë përdorur nga ky I fundit gjatë zgjedhjeve të vitit 2015 dhe ato të vitit 2017.

?Sot Europa dhe gjithë bota ka përpara fakte të pakundërshtueshme të lidhjes së Edi Ramës dhe Sajmir Tahirit me botën e errët të narkobandave. Shqiptarët kanë dy rrugë, ose të pranojnë realitetin malinj, ose të kërkojnë të drejtën legjitime për të mos u qeverisur nga krimi. Sot është dita që Tahiri të arrestohet, faktet janë publike, provat janë në tavolinën e Ramës?- përfundoi Basha./ CityNews