web counter
LEXO PA REKLAMA!

SHKARKO APP

App Store
Google Play

E fundit!

x

Meta viziton qendrën humanitare “Strehë dhe shpresë”/ Lufta ndaj varfërisë, luftë për dinjitetin e njeriut

17 Tetor 2017, 12:39, Aktualitet CNA

Presidenti Ilir Meta vizitoi sot mjediset e Shoqatës Humanitare ?Strehë dhe Shpresë? në Tiranë me rastin e 17 Tetorit, Ditës Ndërkombëtare kundër Varfërisë.

Presidenti Meta u njoh nga afër me kushtet që ofron si dhe me problematikat që ka kjo Qendër, që prej 20 vitesh strehon dhe përkujdeset për rreth 30 të moshuar rezidentë, si edhe funksionon si qendër ditore për më shumë se 35 fëmijë jetimë e me probleme social-ekonomike të komunitetit rom, të cilëve u ofrohet një program mësimor-edukues si edhe ushqim falas.

?Lufta kundër varfërisë është një luftë edhe për të garantuar të drejtat dhe dinjitetin e çdo qytetari, të çdo të moshuari, por edhe të çdo fëmije. Pa luftuar varfërinë nuk garantojmë dot drejtësinë sociale që meriton një shoqëri e standardeve evropiane, pa luftuar varfërinë nuk luftojmë dot një nga burimet kryesore të kriminalitetit dhe të sigurisë publike, dhe për këtë armët më efikase për të luftuar varfërinë janë një rritje ekonomike më e madhe, por jo vetëm kaq.? ? theksoi Presidenti.

Në fjalën e tij Meta u shpreh gjithashtu se sot është dita të kujtojmë se sa familje kanë hyrë në krizë, se sa janë ndarë për shkak të varfërisë dhe të papunësisë apo problemeve të strehimit: ?Sot është dita të kujtojmë se sa fëmijë kanë humbur mundësinë për të ndjekur shkollën, për t?u formuar të ditur, të aftë për të përballuar jetën me sukses në të ardhmen dhe të cilët kanë qenë të detyruar të shfrytëzohen për të mbijetuar në një mënyrë jonjerëzore dhe të padrejtë.?

?Ndaj është një ditë reflektimi dhe angazhimi në mënyrë që lufta kundër varfërisë të mos jetë një ditë në vit, por të jetë një angazhim i përhershëm i gjithë shoqërisë sonë?- theksoi Meta./ CityNews





Lajmet e fundit nga