web counter
LEXO PA REKLAMA!

SHKARKO APP

E fundit!

x

Ruçi takim me delegacionin e Bundestagut gjerman/ Shpresojmë hapjen e negociatave në fillim të 2018-ës

17 Tetor 2017, 11:38, Aktualitet CNA

Kryetari i Kuvendit, Gramoz Ruçi priti sot në takim një delegacion nga Bundestagu gjerman, të kryesuar nga Jörn Ëunderlich, anëtar i Bundestagut.

Gjatë takimit Kryetari i Kuvendit vlerësoi marrëdhëniet e shkëlqyera mes Shqipërisë dhe Gjermanisë, duke shprehur mirënjohjen e thellë për mbështetjen e shtetit gjerman për Shqipërinë në fushën e shtetit të së drejtës, çështjeve sociale, punësimin e të rinjve, trajnimin profesional, forcimin e administratës publike, si dhe në luftën kundër korrupsionit.

Ruçi vuri në dukje se ?këto hapa thelbësorë, në përmbushje edhe të rekomandimeve për anëtarësimin e Shqipërisë në BE, janë miratuar me konsensusin e forcave politike parlamentare?.

Gjatë bashkëbisedimit, Kryetari i Kuvendit, Ruçi dhe z. Jörn Ëunderlich ndanë mendime vlerësuese për rolin e Shqipërisë si faktor stabiliteti në rajon, duke vënë në dukje faktin se, procesi i integrimit i ka dhënë vendeve të Ballkanit Perëndimor një shtysë për një komunikim më vizionar, të drejtpërdrejtë dhe investime të përbashkëta në nivel rajonal.

Jörn Ëunderlich u shpreh optimist për sinjalet pozitive që japin arritjet e parashtruara nga  Ruçi në drejtim të hapjes së negociatave, duke vënë në dukje mbështetjen e Gjermanisë në këtë drejtim.

Në vijim të takimit, Ëunderlich e informoi Kryetarin e Kuvendit lidhur me një projekt rajonal të bursave parlamentare për të rinjtë dhe rëndësinë e shtrirjes së tij në disa vende të rajonit./CityNews





Lajmet e fundit nga