LEXO PA REKLAMA!

SHKARKO APP

E fundit!

x

Arrestohet shqiptari në Zvicër/ ja si i ndihmonte kandidatët në provimin e patentës

19 Shtator 2017, 19:50, Aktualitet CNA

Policia zviceriane ka arrestuar një shqiptar nga Kosova pasi akuzohet për mashtrim.

Media zviceriane 20minuten.ch njoftoi se i arrestuari është rreth 40 vjeç po identiteti i tij nuk është bërë akoma i ditur, ai akuzohet se ndihmonte kandidatët me mjete speciale për të kaluar provimin teorik në autoshkollë dhe merrte mijëra franga për shërbimin që kryente.

Kosovari qëndronte diku jashtë dhe përdorte metoda të avancuara për të mbajtur kontakte me kandidatët ditën që zhvilloheshin provimet. Personat që i nënshtroheshin provimit teorik ishin të pajisur me një minikamer, një mikro kufje për dëgjim, një aparat pranimi dhe një tjetër, dërgimi ndersa mjetet teknike ishin lidhur në pjesën e poshtme të trupit të kandidatit.

Sipas hetimeve të policisë, shqiptari nga Kosova ka ndihmuar 20 shtetas të Kosovës, Shqipërisë, Maqedonisë dhe Zvicrës të marrin provimin e patentës nga dhjetori 2014 deri në mars 2016. /CityNews.

Lajmet e fundit nga