web counter
LEXO PA REKLAMA!

SHKARKO APP

App Store
Google Play

E fundit!

x

Fshehja e armës së vrasjes së Elton Çiçës / Gjykata shpall të pafajshëm policin e akuzuar

19 Shtator 2017, 18:23, Aktualitet CNA

Është shpallur sot i pafajshëm nga Gjykata e Tiranës ish-polici  Alban Trimi i cili akuzohej nga prokuroria për fshehjen e armës së vrasjes së Elton Çiçës.

Provat e prokurorisë nuk kanë qenë bindëse për gjykatën pasi prova më e fortë ishte vetëm kamera që filmoi skenën e krimit.
Nga pamjet filmike në momentin e ngjarjes, rezulton se: Duke filluar nga ora 22:15-22:23, në bar-kafene hyn një person me kapelë në kokë, i cili drejtohet për nga tavolina ku janë ulur katër personat e sipërcituar, të vendosur në pozicionet e sipërcituara.

Personi me kapelë qëllon me armë zjarri pistoletë në drejtim të shtetasit Elton Çiça, i cili vazhdon të jetë i ulur në krah të shtetasit Alban Trimi dhe me fytyrë nga fokusi i kamerës. Ai del nga bar-kafeneja me vrap dhe largohet autori që qëlloi me armë zjarri.

Në monitor dallohet se shtetasi Elton Çiça rrëzohet mbi divanin ku ishte ulur pak më parë, ndërsa shtetasi Redjan Rraja, ndjekur me shikim nga shtetasi Alban Trimi, merr nga çanta e shtetasit Elton Çiça një send, që duket si armë zjarri pistoletë dhe me të në dorën e djathtë niset për të dalë nga dera e lokalit, duke u paraprirë në këtë lëvizje nga shtetasi Alban Trimi- thuhej në dosjen e prokurorisë.

Duket se këto prova filmike nuk kanë mjaftuar për dënimin e Trimit që tashmë do të fitojë lirinë. /Citynews





Lajmet e fundit nga