Luli qan për marrëveshjen me Ramën

19 Shtator 2017, 16:03, Aktualitet CNA

Kryetari i Partisë Demokratike Lulzim Basha me të tijët për ata të listës që votuan Gramoz Ruçin kryetar Kuvendi çdo ditë e më shumë qajnë marrëveshjen me Edi Ramën, atë që e çoi PD-në në katastrofë elektorale, i dha mundësinë Lulzim Bashës të provojë si lider politik dhe të uzurponte Partinë Demokratike duke e çuar këtë të fundit në krahët e Edi Ramës dhe duke e lënë vendin pa një opozitë të vërtetë.

Marrëveshja e 18 majit pasojat vazhdon t?i japë edhe sot për opozitën dhe demokratët. Një marrëveshje që baza e Partisë Demokratike pasi ka provuar mbi supet e saj pasojat artikulohet si një pazar i Lulzim Bashës me Edi Ramën dhe jo si një akt politik në të mirë të vendit. Në përfundim nga kjo marrëveshje familjarët e Lulzim Bashës kanë fituar 11.5 milionë euro në një gjyq.

PD ka humbur zgjedhjet.

Ka një grup parlamentar qesharak.

Udhëhiqet nga një koncept kllounash salianjistë.

Por Lulzim Basha duket se po e qan marrëveshjen dhe nuk po heq dorë prej saj. U bënë disa javë që kreu i PD-së përmend faktin që marrëveshja u prish, Edi Rama e prishi; ndërkohë kërkon Reformë Zgjedhore me konsensus.

Aq shpesh e përsërit Basha marrëveshjen dhe prishjen e saj sa askush nuk e beson më. Marrëveshja ekziston. Pazari është

Marrëveshja vazhdon. Lulzim Basha ende nuk ka bërë asnjë denoncim serioz dhe të besueshëm për zgjedhjet.

Marrëveshja vazhdon. Sepse në krye të PD-së është ende Lulzim Basha.

Grupi parlamentar i ndërtuar nga lista e tij personale votoi dhe zgjodhi Gramoz Ruçin ashtu siç i kishte premtuar Edi Ramës.

Pra Basha me vepra konkrete premton se fjalën e tij e ka mbajtur. Për të gënjyer demokratët artikulon në opinion se është basha rama pret 3 marrëveshje e prishur, por në fakt ajo është më e fortë se kurrë.

Le të deklarojë dikush një denoncim të fortë të Lulzim Bashës pas humbjes së zgjedhjeve deri më sot.

Asnjë denoncim serioz dhe konkret nuk ka nga selia e PD-së dhe vetë Basha. Reformën qeveritare dhe strukturave korruptive që po ndërton Rama.

Asnjë fjalë nuk ka nga Lulzim Basha për ministrat dhe drejtorët e korruptuar të PS-së apo kryeministrin e konçesioneve dhe të drogës e mjerimit të shqiptarëve.

Asnjë hap konkret dhe politik, thjesht retorikë boshe apo opinion në studio ku shpeshherë nuk ia kalon dot as Preçit që i shkruan fjalimet. Dhe për këtë shikojeni në Parlament që ta kuptoni se si zverdhet Lulzimi kur mbaron fjalën e tij a thua se po i bie të fikët. Sepse ka frikë mos ka tejkaluar oponencën e tij dhe Edi Rama i është mërzitur, e nuk do ta financojë më tej Lulzim Bashën apo lulshët e grupit të tij parlamentar. /Citynews