web counter
LEXO PA REKLAMA!

SHKARKO APP

App Store
Google Play

E fundit!

x

Reklama skandaloze e UET/ Deputeti Boçi: Fitorja e privatit mbi gërmadhën publike

19 Shtator 2017, 13:41, Aktualitet CNA

Është kthyer në një debat të fortë publik çështja e reklamës skandaloze të Universitetit Europian të Tiranës që përfitoi nga boshllëqet e sistemit për të joshur maturantët të aplikojnë në këtë universitet.

Pas publikimit të skandalit në rrjete sociale dhe reagimit të Autoritetit të Mediave Audiovizive ka reaguar edhe ish-kryeministrit Berisha, e tashmë çështja ka marrë përmasa debati të fortë në publik.

Një prej reagimeve të fundit i përket deputetit demokrat Luçiano Boçi i cili thotë se reklama ishte thjesht fitorja e privatit mbi gërmadhën publike të shkaktuar nga Rama dhe Nikolla.

?Ne po merremi me reklamën e Çilit, por unë dyshoj se ajo është një “gafë” reklamuese!
Për mua është realitet. Është ajo që tashmë ka ndodhur.
Ligji i AL, rritja e tarifave, mungesa e investimeve në Universitetet publike, presioni politik mbi ta, dhe procesi i pranimeve në Universitete, paaftësia lapidare e MAS, i kanë goditur brinjë më brinjë IAL-të publike.
Reklama ishte thjesht ngritja e flamurit të fitores së privatit mbi gërmadhën publike që tashmë Rama-Nikolla ja kanë bërë dhuratë.
…më vonë do jetë shumë vonë!?,- shkruan Boçi.  /Citynews





Lajmet e fundit nga