web counter
LEXO PA REKLAMA!

SHKARKO APP

App Store
Google Play

E fundit!

x

Fleckenstein: S’ka kushte shtesë për negociatat e anëtarësimit

19 Shtator 2017, 11:21, Aktualitet CNA

Raportuesi për Shqipërinë në Parlamentin Europian Knut Fleckenstein ka deklaruar se për hapjen e negociatave të anëtarësimit nuk do të ketë kushte shtesë. Deklarata është bërë gjatë një konference për shtyp të mbajtur paraditen e sotme.

Pas një seri takimesh të zhvilluara me eksponentët kryesorë të politikës shqiptare, Fleckenstein ka e ka vënë theksin tek zbatimi i reformës në drejtësi, për të cilën është shprehur i vetëdijshëm se nuk do të jetë e lehtë; ndërsa ka nënvizuar se vendimi për hapjen e negociatave nuk është ekskluzivitet i Parlamentit Europian.

?Vendimi për hapjen e negociatave është e Këshillit të Europës dhe jo e Parlamentit Europian. Megjithatë ne do të punojmë në mënyrë që negociatat me Shqipërinë të çelen në gjysmën e parë të vitit që vjen. Përsëris se nuk është PE ai që e vendos këtë, por Këshilli dhe Shqipëria duhet të vazhdojë të punojë shumë dhe pas çeljes së negociatave do të mund të diskutojmë për çështje të tjera?, ka thënë Fleckenstein.

Në këtë situatë, ka shtuar ai, nuk ka hapësira për kushte shtesë përveç 5 prioriteteve. ?Me zyrtarët shqiptarë fola për zgjedhjet dhe zhvillimet me 5 prioritetet kyçe. Nuk do të ishte e ndershme të krijoheshin kushte të tjera për hapjen e negociatave?, ka thënë Fleckenstein.

Megjithatë, ai ka pranuar se kanabisi përbën një problem serioz. ?Sa për kanabisin do pres raportin e partnerëve italianë, që kanë kryer fluturime mbi territor. Është diçka serioze dhe duhen marrë masa në të ardhmen?, ka shtuar eurodeputeti./ CityNews





Lajmet e fundit nga