web counter
LEXO PA REKLAMA!

SHKARKO APP

App Store
Google Play

E fundit!

x

Kosovë/Qeveria nuk ka projekt për kufirin e Kosovës me Malin e Zi

19 Shtator 2017, 09:25, Aktualitet CNA

Qeveria e Kosovës ende nuk ka ndonjë qëndrim të prerë nëse do ta dërgojë në Kuvend për ratifikim apo edhe anulim Marrëveshjen me Malin e Zi për shënjimin e vijës kufitare.

Kosovarja ?Zeri.info? raporton se zyrtarët në Qeverinë e Kosovës, nuk kanë dashur të falsin për këtë çështje, duke thënë se për çështjen e Demarkacionit është ende duke u punuar. Fjala është për marrëveshjen e kufirit me Malin e Zi që është nënshkruar në gusht të vitit 2015 në Vjenë. Atë kohë, subjekt partner në Qeveri ishin Partia Demokratike e Kosovës dhe Lidhja Demokratike e Kosovës, dy parti këto, aktualisht njëra në Qeveri dhe tjetra në opozitë, e që mbajnë qëndrime të ndryshme lidhur me atë se a duhet të anulohet apo ratifikohet kjo marrëveshje.

Elmi Reçica, deputet i Partisë Demokratike të Kosovës tha për Radion Evropa e Lirë se ratifikimi i Demarkacionit mbetet kushti kryesor për liberalizmin e vizave. Sipas tij, pritet që Komisioni i ri për shënjimin e vijës kufitare, i emëruar nga kryeministri Ramush Haradinaj, pritet që të dalë me propozim. Nga ai propozim, sipas tij, do të merren vendime se si do të veprohet, dhe në momentin kur do të dalin qëndrimet e reja për Demarkacionin, do të konsultohet Kryesia dhe Grupi Parlamentar i Partisë Demokratike të Kosovës për të dalë me një qëndrim përfundimtar.

Partia e kryeministrit aktual Ramush Haradinaj, Aleanca për Ardhmërinë e Kosovës, Lëvizja Vetëvendosje dhe Nisma për Kosovën, marrëveshjen e vitit 2015 për demarkacionin mes Kosovës dhe Malit të Zi e kanë kundërshtuar në vazhdimësi.

Këto parti politike në atë kohë kishin vlerësuar se me ratifikimin eventual të kësaj marrëveshjeje, Kosova do të humbte mbi 8 mijë hektarë tokë. Marrëveshja ishte nënshkruar nga ish-kryeministri Isa Mustafa, kryetar i Lidhjes Demokratike të Kosovës dhe Ministri i Jashtëm, Hashim Thaçi, atëherë kryetar i Partisë Demokratike, ndërkaq aktualisht, President i Kosovës.

Deputeti nga radhët e Lidhjes Demokratike të Kosovës, Armend Zemaj, tha për Radion Evropa e Lirë se sipas procedurave ligjore nëse marrëveshja e arritur kohë më parë mes Kosovës dhe Malit të Zi është e papranueshme, ajo mund të anulohet vetëm në Qeveri dhe nuk ka nevojë të shkojë në Kuvend.

Deputetët e Kuvendit të Kosovës, tha Zemaj nuk janë të informuar zyrtarisht për ndonjë Komision të ri që do të punonte për Demarkacionin e kufirit me Malin e Zi.





Lajmet e fundit nga