web counter
LEXO PA REKLAMA!

SHKARKO APP

App Store
Google Play

E fundit!

x

Eksperti kundër presidentit Thaçi/ Veriu i Kosovës streha e agjenturave sërbe

19 Shtator 2017, 07:43, Aktualitet CNA

Deklaratat e presidentit Hashim Thaçi për situatën e përmirësuar në veri të Kosovës nuk i afrohen të vërtetës reale, pasi gjendja atje është nën tension të fshehur. Madje Mitrovica është streha e agjenturave serbe. Deklaratën e ekspertit të çështjeve të sigurisë Hajrullah Tërnava e ka sjellë në publikim ?Bota sot?, sipas të cilës:

Presidenti i vendit Hashim Thaçi ka deklaruar se dialogu me Serbinë, ka pasur efektin dhe i gjithë procesi duhet të përfundojë me njohjen e Kosovës nga shteti i Serbisë. Ai ka thënë se dialogu ka ndryshuar edhe situatën në pjesën veriore të Kosovës, duke përmendur doganierët në veri, mbajtjen e zgjedhjeve dhe siç ka thënë ai, ka mbetur integrimi i sistemit të drejtësisë. Por, duke folur për aksionin e Policisë së Kosovës në zyrat e Kryqit të Kuq Serb, ekperti i sigurisë Hajrullah Tërnava, ka vlerësuar se pjesa veriore e Kosovës vazhdon të jetë ?strehë? e agjenturave serbo-ruse.

Tërnava ka thënë për ?Bota sot? se Thaçi është duke u munduar ta forcojë pozitën e tij dhe të qeverisë, prandaj bënë këso deklaratash. Sipas Tërnavës, Thaçi ?luan? me këto deklarata politike kohëve të fundit, sepse është duke iu luhatur pushteti.

?Tani me politikat e Presidentit Thaçi, populli është ngopur dhe çfarë të thotë më ai, askush nuk i zë besë, e thënia popullore ?Të parin mashtrim ta bëj hallall, por të dytin kurrë jo?. Hashimi si President mundohet që ta forcojë pozitën e vet dhe të qeverisë që u formua, sepse kjo qeveri dihet tani më sa është e ?fort? dhe çdo rënie nga pushteti i kësaj qeverie, dëmton shumë reputacionin e Hashimit si President dhe sidomos të partisë së tij PDK-së, sepse me këtë nënkuptohet se kjo parti ka përjetuar katrahurat e saja dhe një kohë të gjatë më nuk do të vijë në pushtet. Ja një thënie e Presidentit Thaçi tani: ?Sulmi ndaj deputetëve serbë është racizëm, ata janë nderi i shoqërisë sonë?. Tani me këtë thënie mund të dyshohet në atë që e thashë më lartë, por edhe në akuzat e mundshme nga Gjykata Speciale që përflitet edhe për të si kandidat i mundshëm të hetimeve ndaj tij. Mund të thuhet lirisht se PDK-ja është në mandatin e saj të fundit qeverisës, në këtë koalicion me këto parti bashkë tani që janë. Dhe, me ardhjen në pushtet të VV-së, luhatet edhe karriga e Presidentit Hashim Thaçi, prandaj ai luan këto politika në këto kohë të fundit?, ka pohuar Tërnava. Sipas të cilit: situata në veri të Kosovës nuk ka ndryshuar, përkundrazi është duke eskaluar. Ai ka shtuar, se veriu edhe për një kohë të gjatë do të jetë ?streha? e agjentuarave serbe.





Lajmet e fundit nga