web counter
LEXO PA REKLAMA!

SHKARKO APP

App Store
Google Play

E fundit!

x

Grupi Balfin zgjeron ndikimin e tij dhe shënon emrin në tregun e pasurive të patundshme në Austri

19 Shtator 2017, 07:48, Aktualitet CNA

Grupi Balfin është një nga bizneset më të suksesshme dhe më të rëndësishme në Shqipëri si edhe një nga grupet më aktive në rajonin e Ballkanit Perëndimor.

Tashmë Grupi Balfin po e zgjeron veprimtarinë e tij në Austri. Përveç shitjes me shumicë të mallrave elektronike dhe elektroshtëpiakeve nga Austria në Evropën Lindore dhe Ballkan përmes Albatrade, grupi së fundmi shtrin prezencën në tregun e zhvillimit të pasurive të patundshme në Austri, me anë të krijimit të kompanisë më të re TH & B Immo GmbH. Aktiviteti i kësaj kompanie do të jetë zhvillimi i projekteve të reja në prona të patundshme në segmentin e mesëm të tregut të shitjeve në Austri.

Tregu austriak i pasurive të paluajtshme aktualisht është në formë të mirë dhe gjithashtu është i përgatitur mirë për të ardhmen. Trendet në tregun austriak të pronave janë mjaft impresionuese. Europa aktualisht jeton një kohë ku situata politike, ekonomike dhe sociale për disa mund të konsiderohet optimiste e për disa të tjerë alarmuese.

Tregjet e pronave kanë ndjekur trend rritës gjatë vitit të kaluar. Përgjatë viteve të fundit, kërkesa për pasuri të paluajtshme në Vjenë/Austri mbeti e lartë. Optimizmi po përhapet edhe për 2017 dhe pritet një rritje e kërkesës.

Grupi Balfin është gjithmonë në zbatim të ideve të reja, duke krijuar jo vetëm biznese të suksesshme por edhe duke i ofruar tregut shqiptar dhe atij rajonal një pikë referimi solide për t?u ndjekur. Sot, Grupi Balfin gjithashtu konsiderohet një ndër të paktët biznese shqiptare që kanë ditur të jenë të suksesshme dhe konkuruese edhe jashtë kufijve të Shqipërisë.

 

 





Lajmet e fundit nga