web counter
LEXO PA REKLAMA!

SHKARKO APP

App Store
Google Play

E fundit!

x

Nga Flamur Rapi/ Disa të vërteta për Murrizin dhe dashurinë me Lulin

19 Gusht 2017, 18:29, Aktualitet CNA

Sot në të disatën herë, thuajse në të njëjtën formë, me të njëjtën përmbajtje, Myslim Murrizi, kreu i PD-së së Lushnjës, aktualisht deputeti i Partisë Demokratike në këtë Qark, ka reaguar dhe ka folur  duke tentuar të justifikojë kryetarin e partisë së tij Lulzim Basha.

Kaq keq qenka katandisur Lulzim Basha sa shpesh herë del dhe e mbron në mënyrë agresive, të turpshme, fyese, imorale, perverse, një njeri si Myslim Murrizi. Por le ta mbrojë, shumë mirë bën Myslimi që e mbron, sepse ka borxhe ndaj Lulzim Bashës. Ka borxhe ndaj Lulzim Bashës për disa arsye: së pari Sali Berisha e kishte hedhur në kosh të plehrave me kohë Myslim Murrizin sepse e dinte që ishte hajdut tatimesh dikur vite më parë.

Ndërsa Lulzim Bashën e ktheu kryetar PD-je pasi e mbështeti në garën kur Basha konkuronte para 4 vitesh me të ndjerin Sokol Olldashi. Më pas e vendosi në listën për deputet, pasi, për shumë e shumë vite, Myzlim Murrizi kërcënonte se do të dilte prapë i pavarur si dikur, do të dilte kundër Partisë Demokratike ashtu siç i ka dalë, duke i shkaktuar edhe humbje biles. Dhe Lulzim Basha i trembur, si frikacak që është, e vendosi të tretin në listën e kandidatëve të Qarkut të Fierit, në pjesën fituese, përpara kryetarit të PD-së së Fierit, ndërsa në krye të listës ishin dy qesharakë të tjerë si Enkeled Alibeaj dhe Genc Pollo.

Më pas Myslimi pasohej nga kreu i PD-së së Fierit Luan Baçi, një ish-instruktor partie dhe ushtar i Koço Kokëdhimës në Fier. Por le të kthehemi tek Myslim Murrizi.

Myslim Murrizi ka qenë një ish-tatimor, më pas pretendon se nuk është ngatërruar më me politikë, por ka qenë edhe deputetit i Partisë Demokratike, e kishte ëndërr të rikthehej me biznese me njëmijë problematika dhe është akuzuar për më tepër edhe për çështjet e dekriminalizimit. Dhe ky është njeriu që sot del publikisht flet për ata që kritikojnë apo kanë një mendim ndryshe për Lulzim Bashën, kurrsesi me Partinë Demokratike por me Lulzim Bashën.

Pra Myslimi nuk shqetësohet se çfarë ndodh në PD, nuk shqetësohet se Lushnja ka më pak vota se në 2013, nuk shqetësohet nga humbja katastrofike e 25 qeshorit, nuk shqetësohet nga pazari i Ramës me Bashën, nuk shqetësohet nga shpartallimi i Partisë Demokratike nga baza në qendër, për më tepër ai është një nga përgjegjësit e asaj humbjeje. Tani del dhe flet e jep leksione dhe sillet si një mendjelli, kur nuk vlen më shumë  se sa një korrupsionist i akuzuar dhe për çështjen e dekriminalizimit.

Ka mjaft shkrime që e akuzojnë Muslim Murrizin për shumë e shumë gjëra dhe bëma, por gjithsesi këto për ne nuk kanë vlerë. Le ti themi Myslimit: Pse shqetësohesh për Lulëzimin? Të ka marrë ndonjë lekë, të ka dhënë lekë apo je i zhytur në llumin e tij?Çfarë të shqetëson nëse është Lulzimi një kryetar partie apo është dikush tjetër? Rendësi ka që Partia Demokratike të ecë përpara.

Ti je deputet i saj megjithëse ndoshta nga më të turpshmit për nga servilizmi, për nga paaftësia dhe për nga mënyra se si flet dhe artikulon. Dhe sa më shumë që flet ti aq më shumë humbet Lulzim Basha, për më tepër një nga sponsorat e Lulzim Bashës, Edi Rama i cili e di mjaft mirë që Luli si frikacak dhe spurdhjak do mbajë nga pas njerëz si puna jote dhe sa më shumë të mbajë të tillë aq më keq ka për të shkuar Partia Demokratike. Dhe sa më të shumtë të jenë Myslimët e sojit tënd në Partinë Demokratike aq më keq do të shkojë ajo.

Ky është një fakt. E treguan këto zgjedhje, e treguan zgjedhjet e shkuara e kanë treguar kur ti ke qenë kandidat i pavarur, kur ti ke krijuar atë pasurinë tënde marramendëse, pasuri nga Tirana, në Lushnje dhe kudo. Pasuri marramendëse, vërtetë një ish-student dhjetori që më pas punoi tatimor, u mor me biznes, apo punoi në Kontrollin e Shtetit dhe u pasurua aq shumë sa ndoshta Vettingu duhet t?i hapë letrat për ta parë e për ta kuptuar se kush është Myslim Murrizi i vërtetë.

Ai që mbron Lulin apo ai që është marrë peng nga Luli dhe për servilizëm, apo për frikë, i lëpihet Lulit. Pra ky është Myslym Murrizi, deputeti më ?serioz? i parlamentit tonë. Pritet të shkëlqejë ai si asnjë tjetër që është aq qesharak sa Lulzim Basha dhe këtë e bën çdo ditë në rrjetet sociale. Do ta shikojmë së shpejti live dhe në televizion./CityNews





Lajmet e fundit nga