Hashim Thaçi, Kadri Veseli dhe Ramush Haradinaj, mund të akuzohen në çdo moment

19 Gusht 2017, 15:13, Aktualitet CNA

Në opinionin publik, në shumë shkrime të mediave të ndryshme, vazhdimisht përmenden me emra njerëz të cilët mund të jenë autorë apo të implikuar në vrasjet politike, ku nga këto vrasje më së shumti kishte pësuar Lidhja Demokratike e Kosovës, pasi i ishin vrarë një numër i madh i veprimtarëve dhe udhëheqësve të saj. Kështu shkruan gazeta ?Bota Sot?, sipas të cilës:

Këto vrasje, ende mbesin një enigmë e pa zbuluar, dhe një sfidë, të cilën organet e rendit në Kosovë, si ato ndërkombëtare, ashtu edhe ato vendore kanë dështuar ta kalojnë. Në vijimësi të shkrimit gazeta kosovare me botim në Zvicër, duke ju referuar deklaratave të protagonistëve analizon:

Duke parë, mos veprimin e prokurorisë dhe organeve të rendit, Besian Mustafa, djali i veprimtarit te LDK-së, Xhemjal Mustafa, i vrarë pas lufte, është shprehur i habitur me heshtjen e prokurorisë dhe organeve të rendit.

?Është e çuditshme sa shumë flasin dhe sa shumë dinë politikanët, gazetarët, prokurorët e analistët për këto vrasje – madje lakojnë edhe emra deri të policëve e deputetëve, sipas tyre, të përfshirë në këto vrasje – por është gjyqësia ajo që heshtë; ajo assesi nuk po arrin t?i arrestojë ata që dhanë urdhra për këto ekzekutime?, ka shkruar Mustafa.

Gazeta ?Bota sot?, ka pyetur më prokurorinë e Kosovës, lidhur me këto deklarime dhe përmendjen e emrave të ndryshëm, të implikuar në vrasjet politike, por ata nuk janë përgjigjur në pyetjet tona. Jo si rrallë herë, prokuroria ka zgjedhur heshtjen, në vend se të përgjigjet.

Ndërsa, sipas analistëve, me këto raste do duhej të merrej prokuroria dhe gjykatat, por sipas tyre, askujt nuk i intereson të merret me zbardhjen e tyre pasi do binte e gjithë klasa politike që kanë gisht në to.

Njohësi i zhvillimeve politike, dhe publicisti, Sefedin Krasniqi, në një prononcim për gazetën ?Bota sot?, ka thënë se nuk beson në prokurorinë e Kosovës, ndërsa dyshon në atë të EULEX-it.

?Vrasjet politike në Kosovë janë të njohura që nga koha e UNMIK-ut, madje për çdo vrasje dihet kush qëndron pas saj. Sikur krejt Kosova që është në një mënyrë peng i Mitrovicës së Veriut, ashtu edhe të vrarët janë peng i drejtësisë së ndërkombëtarëve (UNMIK-EULEX). Ndërkombëtarët janë duke shfrytëzuar Mitrovicën Veriore dhe ia kanë ngulur si gozhdë në fyt Kosovës derisa Serbia të pranojë të anëtarësohet në NATO, sikur Mali Zi. Që ta ruajnë këtë gjendje, diplomacisë ndërkombëtare i duhen politikanë si Hashim Thaçi, Kadri Vesel, Ramush Haradinaj etj, të cilët mund të akuzohen në çdo moment, por edhe mund të falen nëse kontribuojnë që me koncesione ndaj Serbisë, siç po bënë Hashimi, t?i ndihmojnë afrimit të saj kah Perëndimi?, është shprehur Krasniqi.

Sipas tij, zbardhja e vrasjeve politike në Kosovë, është bërë mall për treg për hesape gjeostrategjike ndërkombëtare të Ballkanit.

?Rasti më eklatant i kësaj ?drejtësie? është Ramush Haradinaj. U ndalua në Francë që t?i shitet Kosovës më shtrenjtë, si hero i gjallë, sepse donin ta përgatisnin për postin e kryeministrit. Marrëveshja e AAK me PDK, nuk është marrëveshje e natës nga Tirana, por marrëveshje e Stasbugut-Francë. Edhe Gjykata Speciale është pjesë e drejtësisë ndërkombëtare dhe është e varur nga politika. Sikur mos të ishte kështu, pas gjetjeve të raportuesit special të Këshillit të Evropës, Dick Marty, nuk do të kishte pritur, kjo drejtësi, prej vitit 2010 që të lëshojë aktakuzat për personat që ceken në raport?, thekson Krasniqi.

Ai thotë se politikanët që sundojnë organet e drejtësisë në Kosovë, në rastet kur ka dëshmitarë, ata i shpallin të çmendur, siç ishte rasti me Nazim Bllacen?

Sipas Krasniqit, akuzat e deputetit të LDK-së, Anton Qunit, drejtuar Kadri Veselit në seancën e Kuvendit të Kosovës, kanë tronditur opinionin publik në Kosovë.

Në këtë sencë Quni e akuzoi drejtpërdrejtë, para kamerave të gjithë botës, Kadri Veselin duke i thënë se nuk do ta braktiste politikën pa e parë prapa grilave të burgut për të bëmat gjatë e tij luftës! Sipas tij, prokuroria do të duhej t?i hapte menjëherë hetimet ndaj Hashim Thaçit e Kadri Veselit? Këta dy persona, Thaçi, Veseli, etj, fare të panjohur për opinionin kosovar, erdhën aty, ku janë, nga shërbimet sekrete ndërkombëtare. Këto shërbime i ruajnë për nevoja të veta dhe do t?i dënojnë vetëm nëse gabojnë, sikur Millosheviqi, i cili në një moment mendoi se u forcua aq shumë sa të mund t?i sfidojë SHBA dhe BE?, thotë Krasniqi, ndërsa, politologu, Gurakuç Kuçi, thotë se hetimet për vrasjet politike pengohen nga vetë elita politike dhe se e vetmja zgjidhje për këto raste mund të jetë Gjykata Speciale?