E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ai është Tritan preshi

19 Gusht 2017, 17:10, Aktualitet CNA

Tritan Shehu është një eksponent politik që njihet mjaft mirë nga shqiptarët. Njihet si një personazh i korruptuar në politikës. Më shumë i thërrasin Tritan preshi për shkak të një historie që flitet se ka ndodhur në vitit 97? në Lushnje, kur si dhuratë nga qytetarët lushnjarë mori një presh.

Bëmat dhe historitë e Tritan Shehut nuk janë të pakta, ndërkohë që, nga ana tjetër, ka edhe legjenda si legjenda e preshit në Lushnje.

Bëmat dhe gjëmat flasin për miliona e miliona euro me një kompani fantazëm gjatë kohës që ai ka qenë kryetar i PD-së, ku zhduku çdo financë dhe e la Partinë Demokratike, kur doli në opozitë me disa qindarka.

Tritan Shehu është nga ata servilë që lëpihet ku të mundet. Pasi Sali Berisha e qeroi nga Partia Demokratike në vitin 97?-98? ai kaloi me Genc Pollon. Tentuan të bënin një lëvizje dhe më pas u largua përfundimisht nga PD-ja, duke qëndruar tek PDR-ja e Genc Pollos. Edhe ky i fundit nuk është se e donte shumë por tashmë me ardhjen e Lulzim Bashës në PD, Tritani ishte një vlerë e shtuar për ta.

Duke qenë se Genc Pollo dhe PDR-ja kishin shumë pushtet mbi Lulzim Bashën, ky i fundit i ka kërkuar rikthimin e Tritan Shehut, i cili është rreth 70 vjeç. Shehu, ish-kreu i PD-së dhe ish-ministër, zgjidhet i pari i listës në Qarkun e Gjirokastrës duke marrë minimumin historik të votave që ka pasur Partia Demokratike në këtë Qark. Kuptohet, po të vësh Tritan preshin në krye të listës së Gjirokastrës nuk pret të marrësh vota të shtuara pasi qytetarët nuk janë as pa sy, as pa vesh, nuk janë as pa mendje dhe dinë ta vlerësojnë votën e tyre.

Po kush do të shkonte të votonte në Gjirokastër Tritan Preshin, e përse duhet ta votonin? Kujt i duhej vota për Tritan preshin. Rezultati i 25 qershorit dha një katastrofë elektorale në Gjirokastër dhe për këtë përgjegjësinë e ka kryesuesi i listës, pa përjashtuar edhe kryetarin e degës Roland Bejkon, por ky i fundit ndoshta aq peshë dhe mundësi politike kishte.

Kryesuesi i listës duhet të udhëhiqte fushatën, po a mund të udhëheqë një ?presh? fushatën e një partie në një qark. Në fund rezultati tha preshi ka minimumin historik. I vendosuri në listë nga Lulzim Basha mori atë që iu dha qytetarëve të Gjirokastrës. Iu dha Tritan preshin dhe preshin i kthyen edhe gjirokastritët Lulzim Bashës.

Kohët e fundit Tritani ka filluar flet dhe është agresiv. Do të jetë në treg, duket i nxehur, i mërzitur. Doktor Tritani ose doktor preshi, po ta quajmë, nuk ka asgjë të keqe, do të jetë në parlamentin e ardhshëm, pra do të rikthehet deputet. Kur të dalë në pension afërsisht do të jetë 72 vjeç, do të shkojë në Parlament dhe do të qeshin të gjithë, do ta ngacmojnë, do ta tallin, do ta ironizojnë, për servilizmin, paaftësinë, mediokritetin dhe gjithçka që ka bërë keq dhe shumë keq në politikë.

Si mjek ndoshta është për t?i hequr kapelen, si politikan është një zero me bisht. Këtë nuk e vlerësojnë mediat dhe nuk e vlerësojnë shkrimet apo gazetarët. Këtë e kanë vlerësuar qyetetarët me vote, të cilët sistematikisht i kanë dhënë shpulla të pandashme Tritan Shehut edhe për më tepër më e freskëta është me 25 qershorit.

Tritani hyn tek ata servilët e kryetarëve, por nga ata më të neveritshmit, që edhe kryetari ndoshta Lulzim Basha nuk e ka thirrur kurrë në zyrë. Dhe ditën që është zgjedhur për të qenë i pari i listës së Gjirokastrës nuk e ka thirrur Lulzim Basha, por e ka thirrur Genc Pollo. Dhe nuk e ka thirrur në selinë e PD-së, por e ka thirrur tek kafja poshtë shtëpisë së tij, për t?i thënë se do të kryesonte listën e Gjirokastrës.

Se Lul Basha ishte zënë dhe nuk e takonte dot dhe Tritani udhëhoqi listën e Gjirokatrës e lajmin e madh e mori në kafen poshtë shtëpisë së Genc Pollos, bashkë me të cilin shumë vite më parë themeluan një parti për të çuar PD-në në humbje në zgjedhjet e 2001, për ta sabotuar dhe shkatërruar, për t?u rikthyer tani me Lulzim Bashën më të fortë se kurrë. Gati për të qenë ashtu si në vitin 2001 një grup parlamentar për t?u ndarë dhe për të ikur nga Partia Demokratike dhe për t?u përdorur apo keqpërdorur në çdo moment nga Edi Rama, apo vetë Lulzim Basha, në momente të caktuara dhe për qëllime të caktuara.

Gjithsesi Tritan Shehu i përket të shkuarës megjithëse është sërish deputet, ai thjesht në memorien e shqiptarëve sado mik i mirë, intelektual e ndoshta me vlera, do të ngelet Tritan preshi./CityNews