web counter
LEXO PA REKLAMA!

SHKARKO APP

App Store
Google Play

Tragjedia e Shkodrës/ I mbijetuari rrëfen ngjarjen e dhimbshme

19 Gusht 2017, 15:32, Aktualitet CNA

 

Një ditë pas tragjedisë së ndodhur në liqenin e Shkodrës, ku humbën jetën dy kushërinjtë minorenë, familja Tahiri në fshatin Boriç i Madh në Malësinë e Madhe ka hapur dyert e mortit.

Një ndër protagonistët e kësaj tragjedie ishte edhe Elsaid Tahiri, vëllai i 13-vjeçarit, Ervisi, i cili nuk mundi të dalë dot më në breg.

Gjatë një interviste të dhënë për gazetën Shqiptare, ai ka rrëfyer të githë dinamikën e ngjarjes dhe ka treguar se kanë marrë një lundër për të vozitur në liqenin e Shkodrës dhe më pas do të zhyteshin për t?u larë. Ai shton se nuk e mendonin se do t?u ndodhte diçka e keqe dhe se të gjithë dinin not. Më pas, Elsaidi ka rrëfyer se u hodhën nga varka për të notuar, por për një moment uji filloi të thellohej vetvetiu dhe kaloi mbi kokat e tyre.

“Duke qenë në këtë situatë të vështirë ku uji na kishte mbuluar, në moment ne të gjithë menduam që të lëmë lundrën dhe të nisemi me not. Nga 7 persona që ishim, 5, edhe pse me vështirësi, arritëm të dilnim. Ndërsa, vëllai e kushëriri im u mbytën. Për momentin ishte e pabesueshme. S?gjej fjalë të shprehem se si ndihem. Ne të tjerëve na ndihmoi Zoti. Vëllai dhe djali i xhaxhait dinin not, por mund të jenë lodhur ose i ka zënë paniku dhe fatkeqësisht sot nuk i kemi më?, është shprehur ai.

 

 





Lajmet e fundit nga