web counter
LEXO PA REKLAMA!

SHKARKO APP

App Store
Google Play

E fundit!

x

Zgjohen “hienat” e Partisë Demokratike

10 Gusht 2017, 11:37, Aktualitet CNA

Partia Demokratike pësoi një disfatë elektorale me 25 qershor, duke dhënë një rezultat që është minimali në historinë e saj politike 27-vjeçare.

Një humbje që pritej, një humbje e paralajmëruar, por kurrsesi e menduar ndonjëherë se mund të ishte kaq katastrofike.

Kur themi e paralajmëruar këtu mund të sjellim me dhjetëra shkrime të shkruara dhe të raportuara  nga CityNews, në lidhje me shpartallimin e strukturave të PD në bazë, shpartallim që përgjegjës ka Enno Bozdon dhe Lulzim Bashën, mungesën e një elite dhe ofrimin të kapaciteteve të reja pranë PD dhe përgjegjësinë pa asnjë dyshim e ka Fatbardh Kadilli dhe Lulzim Basha.

Më tej mund të flasim për kryetarët, si Edmond Spaho që në Elbasan mori vetëm 3 mandate nga 11 të tillë dhe garën e kishte me PDIU e Aqif Rakipit dhe jo socialistët.

Sekretari i Përgjithshëm Arben Ristani, ndoshta është i mospërfilluri i madh në PD, por ai ka qenë një instrument i keqpërdorur me vetëdije, gjithsesi tashmë nuk ka as mandat deputeti.

Në qoftë se do të shkojmë më tej te Enkeled Alibeaj që në Fier sëbashku me Genc Pollon e ndonjë tjetër i hapën varrin politik PD, në 16 mandate morën vetëm katër.

Kjo analizë dhe këta emra janë për pjesën e humbjes politike në garën e elektorale të qershorit, se po të flasim për garën në PD, disa prej tyre dolën kundër Lulzim Bashës, jo hapur, thjesht firmosën peticion për të qëndruar në lojën politike.

Ishin këta ?hiena? politike që në katër vite shpartalluan PD në bazë, janë të njëjtët që manipuluan proceset brenda strukturave, më tej mund të themi se nuk u kandiduan nga Lulzim Basha dhe si dështakë u fshehën dhe nuk u shfaqën aspak në fushatë, qëndronin në hije gjatë debatit të vërtetë për zgjedhjen e kryetarit të PD, por tani ?hienat? politike, të keqpërdorurit dhe të abuzuarit nga Lulzim Basha, kanë filluar të dalin.

Edmond Spaho del e flet për ministrat teknikë, hall i madh rrinë një muaj më pak apo një muaj më shumë dhe nuk flet për humbjen e turpshme në Elbasan, ku thuhet se iku pa brekë.

Filloi të flasë Enno Bozdo, turpi i 27 viteve organizim në PD, përçarësi dhe njeriu që shkatërroi bazën e PD, del në media, bën analiza, vetëm e vetëm që të shpëtojë lëkurën e tij.

Është rishfaqur edhe Fatbardh Kadilli, bën opinion, mban qëndrime, njeriu që me intriga nxiti përçarje, konflikte dhe ndarje në PD. Kërkon të shpëtojë politikisht.

Mos ndoshta ka ardhur koha që PD të shpëtojë njëherë e mirë nga kjo rracë e fëlliqur pseudo politikanësh që për katër vite shkatërroi një parti, e çoi në humbje katastrofale dhe kanë të njëjtën përgjegjësi si kryetari i tyre dhe kur shohin se mund të mbijetojnë janë të gatshëm të bëjnë gjithçka.

E këta janë ata krimbat që i përmend Noli të kolltukofagët, por këta janë edhe më të këqinj akoma, janë më të përshtirë dhe më të neveritshëm në sjelljen e tyre politike.

E shkatërruan 4 vite PD, tani kërkojnë të mbijetojnë dhe të shmangen nga përgjegjësia e humbjes katastrofike, sepse nuk u kandiduan për deputetë disa prej tyre.

Në fakt po të ishin ata në lista, PD zor se do të kishte marrë edhe 35 mandate, janë të tillë fytyra të urryera, jo vetëm nga demokratët, por nga shqiptarët, e në rast se ata do të kandidonin bojktoti do të kishte qenë edhe më i madh, vota kundër edhe më e fortë.

Demokratët janë rebeluar edhe ndaj këtyre ?hienave? politike që nuk i duhen më as dreqit e jo një partie politike, që fatkeqësisht në PD po dalin e po shfaqen çdo ditë./CityNews





Lajmet e fundit nga