web counter
LEXO PA REKLAMA!

SHKARKO APP

App Store
Google Play

E fundit!

x

Basha me pushime, LSI s’i ndahet Ramës/Kryeministri u kthye nga emigracioni...

10 Gusht 2017, 07:48, Aktualitet CNA

Prej disa ditësh ish kreu i LSI, Petrit Vasili, aktualisht kryetar i grupit parlamentar në Lëvizjen Socialiste për Integrim ka ndërmarrë një opozitë të vazhdueshme në rrjetet sociale, ndaj kreut të qeverisë Edi Rama.

Në një postim në rrjetet sociale ditën e sotme, Vasili ka ironizuar raportin e nxjerrë nga Rama dhe stafi i tij për problemet e qytetarëve, duke e quajtur kryeministrin e vendit të sapo kthyer nga emigracioni.

?Kryeministri u kthye nga emigracioni, informojeni…

Para viteve 90′ shokët e byrosë politike nuk e dinin që populli hante bukë me tollon dhe varfëria ishte kthyer në mjerim.

Sot, kryeministri ynë, njësoj si shokët e byrosë vetëm tani mori vesh që Tirana ka papunësi dhe infrastruktura është copë-copë.Qytetarët prej katër vitesh dinë edhe shumë më shumë se ai:

-që Tirana vuan dhe për ujë;

-që dhjetra rrugë e trotuare edhe në zemër të Tiranës janë për turp;

-që në dhjetra qoshe, sheshe e rrugë shpërndahet drogë;

-që përpara çdo shkolle ka qindra prindër e gjyshër që presin fëmijët se s’ka siguri;

-që dhjetra shkolla s’kanë ngrohje etj etj.

Kryeministrit i duhet çuar haber më shpesh për çfarë ç’ndodh në Shqipëri pasi ai nuk ndodhet këtu, ndaj dëgjesat, alias dënglat, bëjani pa kursim që të njohë Tiranën tonë të paktën, se Shqipëria tjetër është larg shumë…?, shkruan Vasili.

Ndërkohë e kundërta ndodh me kryetarin e Partisë Demokratike, i cili ose ka rënë në gjumin letargjik për të zgjuar 3 muaj para zgjedhjeve, ose është me pushime direkt pas mundit për të mbajtur karrigen e PD, ose ka zgjedhur të marrëveshja e 18-majit me Ramën e bën të mbyllë gojën./CityNews





Lajmet e fundit nga